Home International Presidente di Haiti, Jovenel Moïse (53) tira fatalmente den su propio cas

Presidente di Haiti, Jovenel Moïse (53) tira fatalmente den su propio cas

SHARE

Port Au Prince, Haiti:
Presidente Jovenel Moïse (53) di Haiti, a wordo tira den su propio cas diamars anochi pa diaranson marduga.  E presidente a fayece di e impactonan di bala y su casa a keda herida, e ta interna na hospital.

E Premier interino di e pais Claude Joseph a yama e acto aki “un acto odioso, inhumano y barbaro.” 

Ken ta tras di e asesinato aki, no ta completamente conoci. Den un declaracion diaranson mainta Claude Joseph, a pidi e pueblo di Haiti pa keda trankil. Tambe den su declaracion, e la menciona cu esnan cu a haci e acto aki ta papia spaño y tambe e la asegura e habitantenan cu e militarnan y polis lo sigui mantene ordo.  ,,Democracia y e Republica lo gana.”

Haïti, ta un pais cu ta conta cu mas di 11 miyon habitante. Haiti su situacion a keda bira mas instabil y e desgusto bou di e liderazgo di Moïse a sigui crece.  E situacion, Economico,Politico y Social malo di e pais den e ultimo tempo tambe a sigui empeora.  Actualmente tin un aumento fuerte di gangnan criminal. Tambe e inflacion ta sigui aumenta, tin un scarsedad di cuminda y combustibel. Na Haiti, 60% di e poblacion ta gana menos di 2 dollar pa dia.

Den e ultimo lunanan e lidernan di oposicion tabata exigiendo e Premier di e pais pa su persona baha. Nan tabata acusa Moïse cu e lo kier expande su poder, entre otro door di haci cambionan den e constitucion di e pais. Segun e presidente e cambionan aki ta necesario pa trece un fin na e instabilidad politico di e pais.

Ademas, segun oposicion e termino di e Premier a caba cuminsamento di aña aki. Despues cu na 2015 a anula e elecionnan, door di e acusacionnan di fraude.  Un aña despues a tene elecion na Haiti. Segun Moïse y su siguidonan esaki no ta cuadra paso ta te na 2017 e la wordo instala. E oposicion ta usa e argumento cu na 2019 Moïse no a tene elecion pa parlamento y desde e tempo ey, e ta gobernando via decreto y cu un parlamento sin legislador.

Na final di e aña aki, lo mester tin elecion atrobe na Haiti.