San Nicolas – Diaranson marduga polisnan di San Nicolas un biaha mas ta hayanan confronta cu un otro caso di drive by shooting. Un auto lo a pasa y a los tiro ariba e persona, mesora un of mas persona den un Chevrolet Spark a hibe Imsan, unda cu e ta fayece.
Aki ta sigui relato di polis:
“03.55 central di polis ta haya notificacion cu un hende homber a wordo tira dilanti American Bar a jega Imsan.
Na jegada di e patruya na Imsan testigonan cu a trese victima a declara cu e persona lo tawatin un discusion dilanti American Bar y na un dado momento nan a scucha un tiro. Mesora nan a hinca e victima den auto y transporte pa Imsan caminda cu pa 4.25 dokter a constata morto.
Te ainda nos no tin e identidad completo di e persona.
Mesora a pidi pa departamento di recherche , polis technico y slachtofferhulp.
E caso ta bao di investigación.
Cuerpo Policial ta manda palabra di condolencia na e famia di e fayecido”.