Home Local Famia ta busca Buchi Dirksz (77), e lo sali for di su...

Famia ta busca Buchi Dirksz (77), e lo sali for di su cas na Shete y no a regresa

SHARE

Ban yuda Famia Dirksz/ werleman haya nan ser keri perdi bek

Shete: Famia ta pidiendo cooperacion y yudanza di henter e comunidad di Aruba, pa yudanan busca nan famia stima, Julio “Buchi” Dirksz ta perdi y famia no sa su paradero.

Segun famia Buchi lo a sali entre dialuna anochi cu diamars mainta for di su cas na Shete y te na e momentonan aki no a bolbe cas y famia no sa di su paradero. Probablemente e lo por ta perdi den area di Shete y becindario.

Buchi tin 77 aña di edad, e ta midi mas o menos 1.60, su cabey ta shinishi, e ta un persona di postura flaco.

Dialuna ultimo e la sali for di hospital, e ultimo biaha cu famia a mir’e tabata dialuna anochi 7’or y mey. Diamars mainta nan a bay na e cas y Buchi no tabata na cas. Na prome instante nan a kere cu Buchi lo a sali cu un otro familiar, pero den oranan di atardi nan a bin constata cu esaki no tabata e caso. Buchi no ta un persona cu por cana distancia largo.

Famia tin un fuerte indicacion cu e no lo a ni drumi dialuna anochi na su cas. Buchi ta un persona hopi delicado di salud y e mester tuma su remedinan tur dia. Esaki tin famia hopi preocupa y ta spera cu hopi lihe e lo por wordo haya y treci bek su cas.

Si un persona sa algo di su paradero of por a mira Buchi di dialuna anochi pa awe, por fabor si por tuma contacto mesora cu:
Rufina Werleman na 5942711 of
Tony Dirksz na 5942561