Oranjestad – Aña 2021 a habri y pa pariba di brug tin manera un scuridad.
Cuatro hoben a perde nan bida e aña aki door di arma di candela.
Prome cu tur cos, comunidad completo mester realisa cu nos tin un problema serio ariba caya, unda cu arma di candela ta manera un cellular pa algun hoben.
Esaki nos a bin ta bisa ya pa varios aña.
Tres hoben entre nan un damita a fayece door di impacto di bala ricibi den cabes.
Juli 7 2021, e hoben Marc Mejia(19) a fayece door di impacto di bala ricibi di un drive by shooting.
Segun nos tin entendi di e comunicadonan ricibi di Cuerpo Policial, e tres prome casonan detencionnan a cay. Pues personanan cu ta meti directamente of indirectamente cu e asesinatonan.
Si e asesinatonan aki tin un link cu otro nos no sa, den boca di comunidad bo ta scucha cu si, pues por lo menos e prome dosnan. Pero esey no por wordo confirma y ta solamente autoridad investigando e casonan ey sa esey.
Mejia te ainda no ta conoci kiko por a pasa cu a causa cu e la wordo tira y ta fayece na Imsan.
Nos ta pensa cu ta ora of ya tawata ora cu mester bin investigacionnan di unda tur e armanan aki ta drenta.
Algun biaha nos ta scucha cu teamnan di droga ta drenta cas y confisca droga y ta haya kizas un arma di candela.
Pero masha poco bo a yega di tende cu a drenta un adres y haya un X cantidad di armanan di candela cu municion, paso un persona mester ta esun cu lo ta supply e mercado.
Juli 7 2021 nos tin un di 4 asesinato door di arma di candela.
Kiko ta warda, e di 5 y 6 victima ?
Husticia tin trabou pa haci, cuminsa y ban stop e free for all aki di arma di candela bou nos hobennan.