Home Police Atrobe ! Dama turista a accidenta cu quadracer poco pabou di Natural...

Atrobe ! Dama turista a accidenta cu quadracer poco pabou di Natural Bridge

SHARE

Noord Kust – Diaranson merdia den careda di 3’or un biaha mas 911 a ricibi informacion cu un biaha mas turista a accidenta cu quadracer.

Esaki a sosode ariba e caminda di tera poco mas pabou di Natural Bridge pa Bushiribana.

Na yegada di ambulance nan a topa cu un grupo di turista cu ariba nan mes a dicidi di rent algun quadracers pa bay un island tour.

Un biaha mas sigur falta di conocemento di e tereno y e machine a causa desgracia di un dama.

Paramediconan a yega y a haya un dama drumi ariba su barica ariba e caminda di tera. Mesora nan a cuminsa atende cu ne pa prepare pa e wordo transporta pa Hospital.

Algun Tour Guide di otro compania pasando eybanda a sali na ayudo di e turistanan.

Mientrastanto polis di trafico y un patruya mas tawata na caminda pa e sitio.

Remarkabel

Loke a capta nos atencion tawata e menornan di edad cu tambe tawata permiti pa maneha un di e machinenan ey ariba nos careteranan.

Muchanan sin niun sorto di experiencia a ser duna un di e machinenan peligroso pa bay off road, cu tur e consecuencianan cu esaki por trece cu ne. No ta conoci cua compania a huur e quadracer nan.

E dama a wordo hinka den e ambulance unda cu nan a sali direccion Hospital cu ne.

Prome cu e ambulance a sali e grupo consistiendo di 3 adulto y restonan menor di edad sali bay tambe. Polisnan cu a yega e sitio mas sigur mester a tuma nota di e caso aki.