Mediante e sentencia di 3 di februari, 2021, Corte den Prome Instancia di Aruba a ordena Aruba Bank pa habri una cuenta bancario pa BCY bou e condicionnan usual y cu e tarifanan regular, declarando cu Aruba Bank tin e autoridad pa cera e cuenta bancario si Oduber wordo condena door di e tribunal pa e delitonan di cual e ta wordo sospecha.
Aruba Bank a apela e sentencia pasobra e ta considera cu, a base di e libertad di contratacion (e libertad di determina cu ken y bou cua condicion e ta cera un acuerdo), e no por wordo obliga pa habri una cuenta bancario pa un compania cu ainda no ta cliente di Aruba Bank.
Banconan ta obliga, pa ley, pa somete cualquier persona cu ta desea di habri un cuenta na un investigacion extenso y supervision continuo di cliente existente; tal evaluacion mandatorio ta parti esencial di e legislacion relaciona cu prevencion di labamento di placa y financiamento di terorismo. Ademas un review extensivo ta wordo realisa di e business model y ta evalua e risiconan concerni. En relacion cu lo anterior Aruba Bank a jega na e conclusion pa no habri un cuenta bancario pa BCY. Aruba Bank ta conciente de su posicion den comunidad y di e hecho cu ta difícil pa haci negoshi sin un cuenta bancario. Sin embargo, Aruba Bank ta di opinion cu, a base di e analisis realisa, e tabata tin motibonan valido pa no habri un cuenta pa BCY/ Oduber.
E abogadonan di Aruba Bank, Theresa Croes-Fernandes Pedra di e firma di abogado Gefma y Roderik van Hees y Melitza Willems di VanEps Kunneman VanDoorne, a argumenta na nomber di Aruba Bank, dilanti di Corte Comun di Justicia di Aruba, Curaçao y Sint Maarten y di Boneiro, Sint Eustatius y Saba. Aruba Bank ta spera sentencia di e apelacion ariba día 31 di augustus, 2021, y, cu excepcion di e contenido di e comunicado di prensa aki ta informa, cu lo comenta mas ariba e caso aki.