Home » Actuacion rapido di polis a termina den detencion di 3 ladron

Actuacion rapido di polis a termina den detencion di 3 ladron

by Admin
0 comment 48 views

Oranjestad – Diamars den oranan di 11’or di anochi polis di Playa a efectua detencion di tres homber cu a comete kiebro Caya G.F.Betico Croes. 

Prome informacionnan cu a drenta ta cu algun persona a drenta e tienda di The Athlete’s Foot y sali bay cu un cantidad di paña.

Patruyanan atento mesora a mobilisa y tawata sa di aresta den algun minuut tres individuo.

Den Emanstraat altura di Island Finance a detene un, pabou di e edificio unda antes tawata Panaderia Moderna y un otro caminda mas.

Transportwagen a pasa piki tur 3 y bay warda cu nan.

Algun rato despues e propetario di e tienda posiblemente a wordo notifica door di e compania di security y asina e la presenta pa pone su mes na altura di locual a sosode.

Mas cu claro por a mira disgusto ariba cara di e cabayero.

Esaki ta debi cu un di e portanan di glas a wordo kibra y tur esakinan ta gasto y energia cu mester bay wordo hinka pa un haya un porta nobo. Segun e propetario e tipo di portanan ey bo no ta hayanan aki na Aruba.

Tambe extra gasto unda cu lo mester a busca un security pa keda te mainta door cu e porta a wordo kibra.

Segun e propetario awor lo mester bay haci un inventario di locual a wordo horta.

Esnan cu a drenta tur ta delega y a subi via e muraya di palo cu ta algun centimeter di e vitrana.

Ariba e palo por a mira rastronan di e sapato cu a keda marca ora nan a drenta y subi e muraya di palo bay paden.

E doño ta haci un suplica pa atleast laga autonan trafica den caya y pone mas luz, esey lo por yuda baha e criminalidad/ladronicia den centro di Playa. Enberdad e caya mester urgente di mas luz door cu esaki ta scur y por ta peligroso pa esnnan cu ta pasa den caya ora nan caba di traha laat.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio