Dialuna, lider di Accion21 a reuni cu e informadonan Eddy Werleman y Tisa La Sorte, segun Sr. Mansur e reunion a bay hopi bon, segun su persona nan lo a puntra su persona cu ken e lo ta dispuesto pa traha, Sr. Mansur a contesta cu tur partido nan kier traha y nan lo kier mira un gobierno di un base mas amplio posibel.
Accion21 nan prioridadnan ta, implementacion di landspakket, reforma fiscal, igualdad, modernisacion di nos kiesverordening etc.
Lider di Accion21, “Nos no lo forma un gobierno cu menos di 13 asiento”. Si Accion21 no forma parti di e gobierno nobo, nan lo bay parlamento y no necesariamento den oposicion, paso nan lo sostene e gobierno ora ta den interes nacional y tambe Accion21 lo opone ora segun nan no ta den interes nacional.
Accion21 a campanja cu un Gabinete di Unidad Nacional y segun Mansur esake lo ta e miho opcion. Lider di Accion21 ta pidi pa no haci politica cu e situacion actual, pa no haci politica cu implementacion di .
Accion21 lo kieda habri pa un Gabinete cu vakministers, dus un Zakenkabinet.y pa un gobierno di 14 asiento.
E reunion cu Raiz nunca a keda concretisa, ainda e ta wardando, pero si e la combersa algun biaha cu e lider di MAS y nan dos segun su persona ta riba e mesun linea. Tambe Sr. Mansur a sigui bisa cu mirando cu Raiz y Mas a campanja contra politica tradicional, ambos partido tin e capacidad di cambia nos sistema, lo ta un lastima di campanja contra politica tradicional y ora nan saca e asiento bay hunga politica tradicional y no usa e oportunidad aki pa cambia e sistema, e kiesverordening y hopi otro leynan estatal cu mester wordo modernisa. E situacion financiero ta hopi grave y un gobierno di 11 of 12 no ta suficiente y e ta boga pa un Gabinete Nacional
Sr. Mansur a comenta bisando cu ” Nos mester pone politica un banda pa cuater anja y pone Aruba na prome lugar”
E la sigui bisa ” Mas lihe nos uni, mas lihe nos lo sali di e crisis y mas lihe nos ta hiba nos isla dilanti”
Dialuna atardi e no kier a bay mucho tocante e rumornan cu ta circulando di su partido.
E la comenta cu e ambiente den su partido ta interesante, segun su persona mescos cu tur otro partido e emocionnan ta halto, nan tin desacuerdonan pero no ta na su lugar pa comenta riba asuntonan interno. Segun Lider di Accion21, e ta sigui conta cu e sosten di 13, di e 16 miembronan di partido, den partijraad, enfaticamente e la sigui comenta cu e votadonan di Accion21 a expresa nan sosten na su persona , nan a pone nan confiansa den su liderazgo.
Accion21 a campanja cu un plan di partido y esey nan lo bay cu ne y lo mantene nan mes na dje.
E lider Accion21 lo warda y lo laga e proceso cana un rato, laga e informadonan raporta bek na gobernador.
Mientrastanto dos candidato ya caba a tuma nan retiro, cual ta Daphne Lejuez cu 500 voto y Leonardo Figaroa cu 190 voto. Tambe pronto candidato Cristian Soto riba su Facebook a skirbi un post cu pronto e tambe lo entrega su carta di retiro. Enberdad un desaroyo interesante, hunto e tres candidatonan aki tra