De La Sallestraat, Oranjestad: Diadomingo den oranan di anochi a sosode un accidente, riba de La Sallestraat, na altura di e crusada di Van Leeuwenhoekstraat cu De La Sallestraat. E accidente tabata entre un auto y un scooter di coriente, e manehador di e scooter tabata herida. Mesora a pidi pa presencia di polis y ambulance.
Na e sitio a bin compronde cu e manehador di e scooter di coriente no a duna un pickup cu tabata riba e caminda di preferencia, cu ta De La Sallestraat, e scooter biniendo for di Van Leeuwenhoekstraat a sali dilanti di e pickup.
E homber cu tabata maneha e scooter a haya basta sla na cabes, despues cu personal di ambulance a trat’e na e sitio a dicidi di transporte cu ambulance pa hospital, pa asina e ricibi un tratamento medico mas avansa.
