Digno conciudadano, nos ta tras di un eleccion 2021 y awo ta tempo pa nos focus riba nos pais. Mi ta agradecido na tur esnan cu a deposita nan voto den mi persona atravez di e anañan desde 2013 te cu awo 2021 cu mi ta activo den politica Arubano. Mi no ta satisfecho cu mi produccion di voto ultimo eleccion ya mi ta kere cu e trabao cu mi a bin ta haci tanto den oposicion como den gobierno tawata basa riba interes general y adelanto den un area di nos pais cu mester hopi atencion. Mi a propone na gobierno Wever Croes pa focus mas riba economia inclusivo, crea cuponan di trabao den e districto di San Nicolas asina nos poblacion no mester bay mobilisa tur dia pa e otro banda di nos isla. Mi vision tawata basta amplio den tur sentido compara cu mi oponentenan politico cu nunca a presenta un plan concreto pa San Nicolas. Gobierno Wever Croes a cuminsa cu expansion di nos Instituto Medico di San Nicolas Dr. Rudi Engelbrecht IMSAN pa hacie un hospital completo asina hisa e calidad di cuido medico na Aruba.
Nos ta den bon direccion pero falta hopi ainda pa nos por papia di un bon cuido medico pa nos pueblo. Banda di esaki mi a propone pa nos crea un clase media mas grandi na Aruba door di promove estudio den nos sector medico.
Ultimo 50 añanan nos turismo a saca nos di pobresa pero San Nicolas no a logra haya su fair share di esaki. Nos partido a propone Boutique hotels den e area y asina minimalisa problemanan di infrastructura pero toch haya un crecemento economico pa habitantenan di e area di San Nicolas. Movimiento Electoral di Pueblo MEP a drenta gobierno na 2017 cu un mega hotel All-inclusive firma na Baby Beach. Esaki tawata contra e vision menciona. A renegocia e deal pa algo mas balansa y awe Secrets Hotel ta den pleno construccion y tin speransa nobo . Mirando cu NO tin comercio activo na San Nicolas mester crea un “afzetmarkt” pa lanta comercio den e parti aki di nos pais. Mi a premira si nos por crea varios hotel chikito y lanta pareu un comercio chikito y mediano pa e area lo ta un win-win pa nos pueblo y tur stakeholders incluyendo Gobierno cu lo haya mas belasting.
Un comercio vibrante lo tuma basta tempo pa desaroya pero nos por hacie pa full nos teritorio si nos cambia nos mentalidad pa uno mas progresivo y inclusivo y asina nos ta elimina e problemanan structural tanto den area social como financiero. Varios parti di Aruba mester infrastuctura adecua y mas representacion den nos parlamento pero ta e poblacion votador tin cu cambia e rumbo cu nos ta aden. Si San Nicolas keda vota pa candidatonan pafo di e districto nunca nos lo haya e resultado desea mirando cu desde 1986 e desaroyo aki a cuminsa y te cu awe tin varios districto cu no a haya nan atencion debido creando mas pobresa pa nos habitantenan. Tin otro formula cu por wordo explora pero sin participacion di nos pueblo nos lo keda den mesun limbo.
E sector Industrial semper tawata ubica na San Nicolas y gobierno Wever Croes ta den pleno negosacion cu Quanten LLC pa wak e posibilidad di crea un state-of-the art refineria y scales of economy innovativo. Esaki sigur lo duna San Nicolas un bez mas e momentum desea. San Nicolas Business Association SNBA tin hopi trabao pa haci como stakeholder. Mester organisa hopi curso cu Camara di Comercio y kisas hasta e sector financiero pa por crea un clase media mas grandi na Aruba. Un economia Inclusivo cu ta number 16 di Sustainable Development Goals SDG di Nacionnan Uni, THE 17 GOALS | Sustainable Development (un.org). Den pasado mi a mustra con nos planeta ta wordo maneha cu metanan te 2030 y cu San Nicolas mester ta den esaki pa por crece mescos cu cualkier otro parti di nos Isla. Mi ta felecita nos pueblo pa un eleccion civilisa y cu tur hende a respeta otro durante e campaña. Awo ban buta nos difencianan politico un banda pa por saca Aruba di e pandemia y percura pa nos yega bek na un calidad di bida mas balansa. Dios Bendiciona Aruba y nos digno Pueblo.