Home Politics Booshi Wever: J’ACCUSE! (parti 2) – CTC TA COMPLICE DEN E CORUPCION...

Booshi Wever: J’ACCUSE! (parti 2) – CTC TA COMPLICE DEN E CORUPCION DI OTMAR DEN COMPRA DI E INCINERATOR CHIKITO!

SHARE

Den e parti 1 di J’ACCUSE mi a mustra riba varios aspecto na unda CTC NO ta e compania “santo” cu e kier a pretende di ta. Den e articulo aki mi ta sigui ilustra cu CTC no solamente a wordo previlegia dor di Otmar Oduber pero awor dor e Premier y e minister di Finanzas di Aruba y pa colmo dor di e director di DOW tambe. Pa mustra con mediocre CTC ta mi lo desbarata delaster un “cheap-shot” di CTC.

Den e documentonan cu DOW mes ta usa, nan ta haci mencion di e suma di 109 mil florin cu ta encera delaster un cos. CTC ta purba di laga kere cu e suma aki lo ta mas hopi. E compania Johnson’s Enterprises a gana e bit “fair & square” na 2016. Johnson’s Enterprises ta “take care” di tur cos, esta nan ta busca e sludge, nan ta kima esaki, nan ta pone riba e landfill na un manera cu DNM y DOW ta aproba, pues un asina yama “turn-key”. E contracto miyonario di CTC ta cumpli cu e mesun condicionnan? Ken ta paga ora e planta tin un “breakdown”? Ken ta transporta e sludge for di e RWZI-nan? Ya cu CTC hunto cu gobierno no kier bisa nada di e contracto, mi ta haci CTC e preguntanan aki. Dicon tin tanto secrecia asina? Ta placa di pueblo CTC ta haya regaldo toch?! Bisa cuanto exactamente e “besparing” ta! Al final no tin ningun “besparing” paso ta DOW lo bay carga pa tur e gastonan den un caso di un “break-down”! Y e aparto (porkeria) ta di DOW! E edificio ta di pueblo! Esaki DOW a calcula den su “berekening” di e “besparing”??? CTC, gobierno y DOW ta simpelmente GAÑA!

CTC y DOW ta usa como argumento pa regala CTC e contracto miyonario aki SIN ningun tipo di destaho publico cu CTC ta e unico certifica awor! AWOR CTC por ta uno cu ta certifica, pero esey no kiermeen cu ta e so lo por opera un incenirator asina simpel. Den menos di un dia e tantisimo expertonan ARUBANO por siña con pa opera e “on/off” mashin aki. E ta un simpel “Batch Load Incinerator”. No “rocket-science” y DOW sa esey. CTC no tin ningun clase di experencia den tipo di trabounan asina, siendo na Aruba tin varios compania experto riba tipo di trabownan asina. Otro “cheap-shot” cu Booshi Wever lo no guli.

Btw Booshi Wever ta amigo di hopi hende y compania pero esey no ta nifica cu mi lo keda keto ora actonan coruptivo ta tuma lugar, manera ta den e caso specifico aki! Ta p’esey mi a denuncia esaki dia 2 di december 2019. Y mi ta subraya mi pensamento un biaha mas: CTC a haya e contracto pa compra di e incenirator chikito por medio di ACTONAN CORUPTIVO di e ex-minister Otmar Oduber! Y recientemente CTC a bolbe haya un contracto miyonario dor di actonan di MAL GOBERNACION y PREVILEGIAMENTO di e Minister Presidente, Minister di Finanzas y di e Director di DOW! No ta pornada mi a amplia e denuncia!

Mi a tuma mi tempo pa atrobe pasa den tur e documentona, cu boso AMO a nenga mi nan, cu mi a haya despues cu LAR a duna mi razon, mi a bin tuma nota cu loke Johnson’s Enterprises ta haciendo ta cumpli cu tur e normanan cu tin pa e “air burning” di e.o. sludge. Te hasta e estado di California, cu ta uno cu tin e reglanan hopi estricto pa loke ta toca medio ambiente, ta considera e sistema aki bon. Pues loke CTC ta haci ta purba di hustifica su participacion y su complicidad den e “gesjoemel” pa compra pa e incinerator chikito (porkeria) y awor e contracto miyonario sin NINGUN clase di DESTAHO PUBLICO tirando lodo riba un otro compania Arubano drechi cu no mester tipo di practicanan coruptivo pa haya contractonan sea di gobierno of di otro empresanan!

E pregunta grandi lo ta si e gobierno nobo, sea uno di 11, 13 of 14 of di 21, lo scohe pa bira nan cara otro banda pa no tin un conflicto for principio di gobernacion? Ami sa cu cada un di e partidonan aki, un mas cu otro, ta hopi bon na altura di henter e “gesjoemel” aki. Ratificando e compra y/o e contracto miyonario di operacion ta hasi nan complice den acto(nan) corupto aki.

Un biaha, y sin ningun tipo di reserva: “J’ACCUSE”!
Mi ta acusa CTC di ta complice den e actonan fraudulente y coruptivo aki. Ta keda na e “prestigioso” compania CTC pa bay corte pa “proof me wrong”! Un biaha mas mi no por ta mas cla den mi acusacionnan y sin ningun tipo di temor mi ta hasi esaki. Y no pa defama un compania pero simpelmente pasó tipo di actonan fraudulento y coruptivo no por keda scondi. Mi a entrega mi denuncia y 3 “rappelbrieven”, mas e denuncia ampliá contra e Premier, Minister di Finanzas y e Director di DOW actual y mi ta hopi ansioso pa bay Corte sea pa amplia riba mi denuncianan of den un caso cu CTC lo por entama contra mi pa atacha e “bon” nomber di e “prestigioso” compania CTC! “VOl VERWACHTING KLOPT MIJN HART”!!