Accion rapido a saca persona cu tawata boca abou den pool, su situacion ta serio

J.E. Irausquin Blvd – Diasabra atardi pa mas o menos 3:30, polis y ambulance a bay Aruba Beach Club, unda cu un persona lo a hoga of hera hoga den pool.

Na yegada di polis nan lo tawata reanimando e persona, cu ta un turista cu lo no tin mucho dia na Aruba.

Na e sitio por a scucha cu e persona aki lo a ser mira den pool ta drief boca abou.

Aki algun persona a actua mesora, unda cu mesora a cuminsa cu CPR mientras otronan a avisa 911.

Na yegada di Paramedico nan a tuma over y mesora a sali direccion Spoed Eisende Hulp. 

Su situacion tawata mustra serio.