Arthur Dowers di AVP a mustra cu loke Conseho Electoral pa medio di su presidente no ta haya importante of necesario, pa pueblo e cosnan aki ta algo balioso ya cu ta derecho di cada ciudadano pa cada cuater aña, e por haci uso di su derecho di voto.
“Ta di lamenta y di condena na mes momento, e forma intransigente con conseho electoral ta busca un otro excusa pa defende algo cu e no por defende.
Tin cu corda cu semper nos a biba como ciudadano liber di e pais aki, cu derecho di voto di un ciudadano ta algo sagrado y cu no tin nada cu por stroba un persona nop eherce su derecho di voto.
Awor si tin ciudadanonan cu ta bin dilanti y mustra cu nan derecho sagrado di voto no ta ningun caminda, conseho electoral no por neglisha e hendenan aki pero tin cu atende cu nan tur y esey no a tuma luga, algo cu ta trapa e sistema democratico di nos pais.
Por ehempel tin resultadonan cu a wordo presenta pa Censo, caminda partido MAS na urna 20, lider di e partido Marisol Lopez Tromp a haaya 51 voto y candidatonan number 3, 5 y 7 a ricibi un solo voto eynan, mientras cu candidatonan 2, 4 y 6, a ricibi cero voto na e urna aki.
Esaki ta nifica cu na e urna 20 aki, partido MAS a ricibi un total di 54 voto, sinembargo riba e resultado emiti pa Censo ta para cu partido MAS na urna 20 a ricibi un total di 90 voto, cu sin duda ta confirma tipo di erornan cu a sosode na otro urnanan tambe den e proceso di conteo.
No ta culpa di e partido MAS pero ta riba e asuntonan aki tin hopi duda caminda por ehempel na urna 21, e lider di MAS a ricibi 53 voto, candidato number 2 un votgo, number 3 cero voto, number 4 a ricibi 7 voto, number 5 no a haya voto na e urna aki, number un voto y number 7 cero voto pa un total di 62 voto, loke ta klop.
Ta erornan cu Conseho Electoral no ta hayha relevante pero aki ta papia di solamente un urna yh e e indicacionnan aki ta lanta duda cu tin cosnan cu no a bay bon y cu tin base pa honra e peticion di votadonan pa un reconteo di votonan.
Presidente di Conseho Electoral no ta esun yama pa dicidi cu no ta haci reconteo ya cu e no a consulta cu resto di e conseho y tga di lamente cu ta trapa riba e derecho sagrado di un ciudadano pa vota segun su consenshi y tambe ta trapa riba democracia di e pais,” Arthur Dowers a declara.