Desde su establecimento na 2017, Fundacion Salud Mental Aruba Respaldo ta enfoca pa brinda cuido di salud mental di calidad y moderno na su clientenan. Respaldo dus ta continuamente enbusca di maneranan pa maneha su recursonan mas miho y eficiente posibel. Pa por logra e metanan di e organisacion diferente cambio tanto paden y pafo di e organisacion a y ta tumando luga. Entre otro, cantidad di clientenan cu ta wordo atendi anualmente, forma di duna servicio, colaboracion cu diferente partner y mas.
Un di e cambionan mas recien ta e paso grandi cu Respaldo a tuma den su infrastructura di tecnologia, informacion y comunicacion. Aki a uni forsa cu Aruba su proveedor mas grandi di servicionan di telecomunicacion esta Setar N.V. Setar N.V. lo ta encarga pa monitor e infrastructura den un forma sigur y eficaz pa asina e organisacion por duna servicio di aun mas calidad y di un manera mas eficiente na tur su clientenan. Esaki ta un logro grandi pa e organisacion y sigur un momento pa celebra. Pe e motibo aki diahuebs 1 di juli den oranan di mainta representantenan di Setar N.V. y empleadonan di Respaldo a bini hunto pa celebra e colaboracion aki. Respaldo ta masha contento cu e servicio cu Setar N.V. ya caba ta brindando y ta premira un colaboracion excelente hunto.
