Tanki Leendert – Diahuebs anochi un automobilista atento a spot un Nissan Tiida coriendo masha malo mes ariba e rotonde di Paradera direccion Sero Patrishi.
Manera cu e auto tawata bay ariba su man robes tawata obvio cu e chauffeur ta burachi.
Mesora a avisa central di polis. Mientrastanto e ciudadano a sigui e auto y a keda bashe cu pito, pa avisando e trafico contrario unda cu na varios ocasiona hera dal frontal.
Yegando Paperclip Rotonde e Nissan Tiida a subi Watty Vos Boulevard, aki e la cuminsa bay direccion rotonde nobo di Tanki Leendert, constant halando di un banda pa otro.
Na yegada di rotonde di Tanki Leendert un tiki mas e la contra e muraya traha ariba e rotonde. Eynan e la kita bay rechts/nort o sea direccion pa e otro rotonde di Tanki Leendert.
Eynan e la baha caminda, parando pariba di caminda. Aki e ciudadano su tras a baha core bay na e auto y ta switch esaki off y ta kita e yabi.
Mientrastanto den leu por a mira e patrouille nan di polis biniendo cu velocidad halto.
Mesora e agentenan a baha y a aresta e chauffeur cu tawata pata pata.
Mirando cu e ta un persona di edad polisnan a papia cu ne.
Problema a start ora a bay sake di e auto pa e subi transportwagen cu a yega. E ora polisnan a bira ripara cu e chauffeur tin problema cu su pianan y e la bisanan tambe. Den e auto tawata tin un wandelstok.
Polisnan a pasa basta rato pa por a subi’e den e transportwagen, debi cu fuera cu e ta burachi y cu problema di pia e la “laga bay”. E la bay af, y aki tawata unda e la bira fastioso pa a hinke den e vehiculo door cu e e la susha full su curpa.
Despues di basta rato a logra rek e y pone drumi den e transportwagen y hibe warde.
Eynan agentenan despues mester a bay haci e transportwagen completamente limpi, door cu e la keda tur na sushi humano.
