E cantidad di casonan di Covid-19 na Aruba ta keda hopi abou. Pa yuda asegura cu e cantidad di casonan no solamente ta keda abou pero pa nan baha te na zero, e lucha contra e virus mester sigi. Pues ta agrega na e scolnan cu por ehecuta un desinfección completo cu D7, e agente mas efectivo pa mata virus y bacteria cu ta existi, St Aloysius school y Colegio San Agustin.
Recientemente tanto Colegio San Agustin y Sint Aloysius School a haya di The Freewinds un “kit di D7”cu ta contene tur e materialnan y ekipo necesario pa mantene nan scol sigur por medio di desinfección .Nan por desinfecta cuminsando awor y mas den futuro pasobra e Boluntarionan di Freewinds ta opera riba e motto di e fundador di Scientology, Sr. L. R. Hubbard, cu ta bisa: “ un ons di prevención ta bal un ton di cura”
E cabesantenan di ambos scol ta conciente di e hecho cu prevención ta sigur si ta desinfecta regularmente y no warda te ora tin malesa ta plama, pa actúa. Pesey nan a percura pa nan scol a wordo desinfecta regularmente desde comienso di e pandemia dor di e Ministerio di Boluntario di Freewinds.
E cabayeronan aki ta testigo di e resultado positivo di no solamente mantene nan scol limpi , pero tambe e sentido di trankilidad pa e mayornan di e studiantenan, cu nan yui no ta corre riesgo y pa e maestronan y e muchanan cu ta atende e scol. Awor ambos scol por mantene nan scol desinfecta por medio di nan staf.
Sr. Cuba a bisa lo siguiente:” Desde cu e Ministerio di Boluntario a cuminsa yuda nos nos ta hopi agradecí. E scol a wordo desinfecta cada dos siman y nos a promove esaki pa e mayornan pa nan sinti nan mes comfortabel y ta duna nan un sentido di seguridad pa nan yuinan. Nos por garantiza seguridad na e mayornan.Awor mi tac la pa e training pa mi por hasi e desinfección.
Sr. Vladimir de Cuba, cabesante di Sint Aloysius School recibiendo un “ Kit di d7” cu a wordo otorga na su scol pa e Deputy Port Captain di Freewinds, Srta. Susan Lora.
Tambe, hopi contento di a ricibi un “D7 Kit” pa su scol ta sr. Jeffrey Kelly, cu a comenta:” Freewinds a nifica hopi pa nos. Den comienzo nos no tawata sa kiko pa spera. Pero mientras e Ministerio di Boluntario tawata traha cu nos desinfectando,realmente nan a yuda e scol y nos studiantenan. Awor mi ta preparando pa nos mes desinfecta .Mi no por expresa con gradicido mi ta.E Miniserio di Boluntario a siña nos tur kiko ta nifica “duna bek”
Cabesante di Colegio San Agustin, Sr. Jeffrey Kelly,cu Srta. Susan Lora, Deputy Por Captain di Freewinds.
Desinfección no ta solamente luchando contra Covid-19, temporado di griep y verkoud ta bin tur aña, e maleza ta plama na scol, na cas y na bo lugar di trabou, esakinan tambe por wordo evita. Loke nos a siña durante e pandemia mester keda den nos memoria pa nos tur mantene nos seguridad ora yega e ora pa preveni un malesa.
Pa asistencia di e Ministerio di Boluntario di Freewinds pa desinfecta bo lugar, of pa ricibi un seminario di prevención of un training con pa desinfecta bo lugar di trabou of bo cas, por favor contact [email protected] of na signal +1-727-8104 of na cel 297 747-1613.
Pa haya información con bo por proteha bo mes y otronan,con bo por mantene bo cas y bo lugar di trabou sigur bishita e How to Stay Well Resource Center online na www.scientology.org/staywel na undo bo ta waak tur e pamfletanan y video y por download nan gratuitamente. Tur e material aki ta obtenibel na spaño, hulandes e ingles y 18 idioma mas.