Home » Lider di MAS, considerando un bloke strategico di 5, kier combati corupcion y ta habri pa combersa cu Lider di AVP

Lider di MAS, considerando un bloke strategico di 5, kier combati corupcion y ta habri pa combersa cu Lider di AVP

by Admin
0 comment 108 views

Sra. Marisol Lopez Tromp, Orguyoso y satisfecho cu e resultado di elecion y muy especial su e cantidad di su votonan personal, e ta  hopi contento cu su 4191 voto. Esaki ta un adelanto grandi y sosten grandi pa partido MAS.

Oranjestad: Diamars atardi, despues cu lider di MAS a caba cu su bishita cerca Gobernador, pafo e la  bisa na prensa, cu e combersacion cu gobernador a bay over di e resultado di elecion, pero dimes no por a bay den detayes. 

E la splica cu e partidonan grandi a bay atras y e  chikitonan a bay dilanti, cu pueblo a duna MAS dos asiento. Segun su persona esaki nunca a pasa den historia di Aruba, cu tres partido hunto a yega na 5 asiento, pa e motibo aki  lider di Mas ta boga pa forma un bloke strategico di 5.

Segun su persona e 5 asientonan ta hopi importante con pa sigui y forma un bloke di 5. E la confirma na prensa cu ainda no tin niun acuerdo.

E acercamento di Miguel Mansur, e anochi di elecion, segun su persona ta un wise step, paso e ta importante pa e tres partidonan aki ta uni, den un bloke strategico. Segun su persona si dos partido chikito forma cu un partido grandi y na caminda bin problema y e partidonan chikito aki ta desaparece.

Segun Lider di MAS, pueblo a pone su confiansa den e tres partidonan aki, pa su persona esaki ta un señal, cu nunca antes pueblo a duna e partidonan chikito voto na e forma aki, nan a vota pa partidonan chikito y no e grandinan.

Maske cu AVP tin un Parlamentario sospechoso di corupcion, pero cu a saca su mes cera na KIA, MAS lo ta habri pa sinta y papia cu lider di AVP,  segun e lider di MAS, e mancha aki, en todo caso ta bisto y  tin hopi mas mancha otro caminda tambe. Marisol a sigui splica cu no tin condicionnan cu lo stroba e parlamentario cera na KIA cu no por bira parlamentario.

Marisol kier bay den un bloke strategico, especialmente pa e desicionnan importante cu lo mester wordo tuma den cual mester 14 parlamentario pa pasa leynan nobo of pa cambia leynan importante.

Un biaha mas e la enfatiza cu 5 asiento ta basta asiento compara cu antes, lubidando 1985 e bloke di 6 asiento. Tambe e partidonan cu no a saca asiento, e restzetels no solamente a bay pa partidonan di grandi pero pa e chikitonan tambe.

MAS kier combati corupcion no solamente riba nivel di minister, pero tambe riba nivel di ambtenaarnan, directornan cu ta autorisa pa firma y otro ambtenaarnan cu por ta haciendo actonan di corupcion.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio