Home » Hendrik Tevreden ta agradeci na su votadonan: Mi ta cla y determina pa sigui traha p’e progreso di nos dushi isla Aruba

Hendrik Tevreden ta agradeci na su votadonan: Mi ta cla y determina pa sigui traha p’e progreso di nos dushi isla Aruba

by Admin
0 comment 90 views

Danki. Mi ta hopi agradecido na tur esnan cu a participa den e proceso democratico di eleccion parlamentario. Pero tambe na esnan cu a deposita nan voto di confiansa riba mi persona. Un biaha mas mi lo ta representando pueblo di Aruba den Parlamento,” ta palabranan di Hendrik Tevreden, presidente y candidato di partido MEP.

Democracia a triunfa y pueblo a papia palabra bon cla, manera e dicho ta bisa “you don’t change a winning team.” Pueblo a scoge partido MEP como e partido mas grandi durante e eleccion parlamentario 2021, basa riba e maneho cu a hiba e ultimo añanan y basa riba con Parlamento a controla Gobierno,” Tevreden a bisa den un declaracion.

E Parlamentario ta hopi gradici, mas ainda si mira e tempo cortico cu a haya pa campaña. Pero e bon trabou haci a yuda hopi. El a bisa di ta masha agradeci cu su posicion number 7 ariba lista y cu e a traha duro pa refleha esaki tambe. Danki na e apoyo di e team cu a respalde tur dia. E resultado ta mustra tambe cu den e 29 candidatonan di e partido geel, Tevreden ta e di shete (7) candidato cu mas voto riba e lista.

Tambe por bisa cu e aña’ki Aruba tabatin un cantidad record di 12 partido cu a participa den contienda electoral cu 176 candidato. Y den tur e candidatonan aki Tevreden a sali na di 20 luga di candidato cu mas voto.
P’esey mi kier gradici di curason cada persona cu a deposita nan voto di confiansa den mi pesona pa eleccion 2021. Pero tambe e team cu a compaña’mi durante e temporada aki.” Awor e trabounan ta continua.

Hopi lihe e Parlamento nobo lo bay sinta, mientras cu e proceso di formacion di Gobierno lo sigui te ora cu logra forma un Gobierno nobo atrobe. Y nos ta di opinion cu lo ta Gabinete Wever Croes 2.

Eleccion no ta final di e ruta, sino ta e inicio di un tempo nobo sinembargo hopi dificil pa Aruba. Un periodo cu ta bay exigi hopi pasenshi, fe y union di un y tur riba nos isla. Pero mas cu tur cos, un compromiso di cada uno pa sigui traha na bienestar y progeso di Aruba. “Mi ta cla y determina pa sigui traha p’e progreso di nos dushi isla Aruba pasobra mi ta kere den nos Aruba.”

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio