Home » Tres turista den un UTV a accidenta patras AltoVista

Tres turista den un UTV a accidenta patras AltoVista

by Admin
0 comment 103 views

Alto Vista/ Bushiribana
Dialuna mainta algo despues di 10’or di mainta, a sosode un accidente cu un UTV patras di kapel di Alto Vista, E Utv a bolter y un persona lo a keda seriamente herida na su brasa y na prome instante a wordo informa cu nan lo ta hibando e dama herida na Kapel di Alto Vista.

Un patruya di Noord y di trafico, a wordo manda cu urgencia na Kapel di Alto Vista, nan a keda warda pero nada. Despues di un rato nan a wordo informa cu nan ta hibando e heridonan direccion di Bushiribana.

Un patruya di Santa Cruz y ambulance a wordo manda direccion di Bushiribana pa topa cu e turistanan herida.
Den careda di 10’or y mey di mainta e turistanan cu a accidenta cu e UTV a yega na Bushiribana, tres di nan tabata herida den cual un dama cu tabata tin un fractura basta serio na su brasa.

Na e sitio enberdad a bin compronde cu e accidente mes a pasa patras di Kapel Alto Vista. Nan tabata den un UTV y pa un of otro motibo, e driver lo a perde control y a bolter cu e UTV. Muy probablemente e caminda banda di nos Costa Norte ta hopi malo y nan no ta custumbra core e vehiculonan aki riba un caminda asina.

Dos ambulance a presenta pa duna asistencia medico na e tres victimanan.
E dos hombernan herida a ricibi asistencia medico na e sitio mes y e dama cu tabata seriamente herida na su brasa despues cu personal di ambulance a trat’e na e sitio a transport’e pa hospital.

Polis tambe a presenta na Bushiribana pa atende cu e accidente aki y tuma datos.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio