Un buki yen di actividadnan leuk y sigur no caro pa den vacacion grandi.
Riba 28 di juni e prome Bukinan di Pret a wordo parti na alumnonan di Colegio Bon BIni y Sint Franciscus College na Oranjestad.
E ‘Buki di Pret’ ta un buki yen di actividadnan y ofertanan cu ta valido durante e vacacion grandi, special pa muchanan di scol basico. Clubnan di ehercicio, restaurantnan, marina real y diferente organisacionan ta participa. E actividadnan ta valido for di 10 di juli te cu 19 di augustus 2021.
META TRAS DE E BUKI DI PRET: haci actividadnan posible y yuda bo pa descubri bo talento
E meta di tras di e Buki di Pret, ta pa duna mas mucha Arubiano cu ta posibel for di 6 te cu 13 aña un vacacion grandi leuk!
E grupo cu a tuma iniciativa pa e Buki di Pret, ta spera cu e buki lo activa muchanan y nan mayornan pa descubri e cantidad di cosnan leuk cu Aruba tin pa ofrece y lo stimula muchanan pa descubri nan interesnan y talentonan.
Danki na e buki unico aki, yen di actividadnan accesibel, pagabel, y tin biaha hasta cu actividadnan cu ta gratis y ofertanan, ta bira posibel pa tur mucha, independiente di nan situacion financiero!
E ACTIVIDADNAN TA GRATIS OF TA COSTA MAXIMALMENTE 10 AWG
Na e comerciantenan, organisacionan y asociacionnan na Aruba a wordo puntra si nan kier a participa a cambio di un compensacion chikito, inventa actividadnan accesibel y leuk.
E ekipo di Buki di Pret a colecta tur e actividadnan aki den e ‘buki’.
TAMBE PA ESUNAN CU TA KEDA CAS
Ora cu a selecta e actividadnan a tene cuenta cu e hecho cu no ta tur hende ta dispone di transportacion. Pa e motibo aki e actividadnan ta reparti ariba henter e isla. Tambe a pensa riba e muchanan cu apesar di esaki no ta capaz pa bishita un actividad; special pa nan e buki tambe ta contene kleurplaat, wega y puzzel y tambe hopi tip leuk, cu aktividadnan pa mucha cu por wordo haci durante henter aña.
MULTILINGUAL
E buki ta multilengual: Papiamento, Hulandes y Ingles. Di e forma aki e ta accesibel pa tur hende. Tambe a scohe pa un titulo cu ta un combinacion di Papiamento (Buki) y Hulandes (Pret).
PROME TA BIN UN BUKI PILOTO PA 2.600 ALUMNO
Aruba tin mas o menos diesdos mil mucha di scol basico, y pa test con esaki ta wordo experencia, e ekipo di e Buki di Pret ta reparti e bukinan na dies scol di S.K.O.A. y tambe na muchanan cu ta ricibi educacion na cas. En total 2.600 ‘buki’ lo wordo repart e aña aki.
E SCOLNAN CU TA PARTICIPA
Na aña 2021 e siguiente scolnan ta participa: Sint Fransiscus College, Rosario College, Colegio Bon Bini, Colegio Sagrada Curason, Colegio Santa Filomena, Maria School, Cacique Macuarima School, Maria Goretti School, Colegio Pastoor Kranwinkel, Colegio FB Tromp.
Si esaki bira un exito e fundacion ta spera cu otro aña nan por reparti un ‘buki’ na tur mucha di un scol basico na Aruba.
KENDENAN TA TRAS DI E BUKI DI PRET
Esunan cu a inincia e Buki di Pret ta: Ezra y Marga Buys, cu ta biba na Boneiro. Na 2018 nan a cuminsa cu e Buki di Pret. E idea a wordo inspira pa e Jeugdvacantiepaspoort na Rotterdam, Hulanda. Nan tin e ambicion pa introduci e buki aki tambe na e otro islanan Caribense.
Asina aki na aña 2021: Victoria Danilova, Myrthe van Egmond, Kitty van der Knaap y Aggie Sniekers, cu ta bibando na Aruba, a tuma e iniciativa pa desaroya tambe pa Aruba e Buki di Pret.
/////////////////////////////////////////////////////////////////////////////////////////////////
NOTA DI REDACCION
Pa mas informacion:
Contacto: Kitty van der Knaap/Aggie Sniekers, iniciado di e Buki di Pret na Aruba (Ingles y Hulandes).
E-mail: [email protected]
Material di imagen:
Lo ta disponibel despues cu e prome ehemplarnan wordo reparti y lo wordo añadi como anexo na e comunicado di prensa, door di e iniciadonan.