Oranjestad – Aruba
Diabierna pais Aruba a celebra democracia, cual ta e privilegio di eherce nos derecho di voto y escoge cua partido y cua candidato nos kier pa representa nos den e organo mas halto di nos pais cu ta Parlamento di Aruba.
Partido MEP a resulta e partido ganado cu 9 asiento. Sigui pa e partido AVP cu a logra 7 asiento, perdiendo 2 asiento.
Tres partido mas a logra saca asiento, cu ta partidop Mas cu 2 asiento, Raiz cu a logra 2 asiento y Accion21 cu 1 asiento.
Manera nos a trece anteriormente den un otro articulo, unda cu nos a trece dilanti cu a gamble e posicion di Benny Sevinger. E palabra mes ta bisa “gamble”, pues Mike Eman a pone Sevinger ariba e lista di AVP, pero esaki no a haya e resultado desea.
Alcontrario, e caso di Sevinger cu nan a lage bay ariba e lista no matter what a haci mas malo cu bon, y nos por a mira esaki den e resultado cu a costa partido AVP.
Kizas si Mike Eman a tuma un otro posicion y bisa cu Sevinger lo no ta ariba lista te ora e investigacionnan den su contra ta cla, probablemente lo por a haya un otro resultado final juni 25 2021.
