Home » Historia lo wordo marca juni 25 2021, pueblo lo vota pa un candidato cera den KIA

Historia lo wordo marca juni 25 2021, pueblo lo vota pa un candidato cera den KIA

by Admin
0 comment 71 views

Historia ta wordo marca 25 di juni 2021. Un dia cu pa resto di nos bida y di nos yiunan y nos nietonan lo keda wordo recorda, unda cu lo vota pa un candidato ariba un lista politico sospecha/acusa di actonan coruptivo.

Un monton di instigacion y tambe speculacion a wordo formula for di momento cu e ex-minister, parlamentario y candidato ariba lista di AVP a wordo aresta na un establecimiento situa den De LaSallestraat unda e tawata bebiendo un koffie.

E  politico aki tawata na altura cu e lo wordo aresta, pero no tawata sa e dia. Benny y su famia tawata prepara nan mes tur mainta pa e entrada hudicial y e sperada detencion. Por bisa cu e tawata bon prepara y a graba videonan alegando un monton di acusacionnan den direccion di diferente personanan y tambe Ministerio Publico.

Di eynan a sigui atakenan diariamente den direccion di nos aparato hudicial, unda cu e lider di partido esta Sr.Eman tawata expresa esaki den/ariba medianan.

Dos dia pasa, durante e ciere di campaña di e partido aki, Sr. Eman un biaha mas a bisa cu si bin cambio di gobierno nan/e lo bay investiga tur esnan cu segun su persona a percura pa Sr. Benny Sevinger ta cera na e momentonan aki. E ta acusa cu polisnan y recherchenan cu segun su persona lo a “bira cara” pa un oponente politico di dje den un supuesto caso cu ya huez a duna sentencia.

Momento di traha lista, e comunidad Arubiano tawata den e expectativa si Sevinger lo keda riba e lista politico di AVP si of no. Pero, despues di deliberacionan interno e partido a gamble y toch a duna Sr. Sevinger e number 29.

Esaki no a cay den bon tera entre esnan di trayectoria largo den e partido berde, manera un Sr. Eddy Croes. Sr. Croes a condena e acto aki den un medio di comunicacion yega na e partido.

Sr. Sevinger casi diariamente e ta ricibi bishita di tanto Landsrecherche y RST(Hulandesnan), pues investigacionan y interogacionan ta continuando.

Sevinger su limitacionan a wordo kita recientemente, pues e tin un poco mas libertad pa move den Korrectie Instituut Aruba (KIA). Segun informacion ta cu e politico no ta sali mucho di su cel. Por specula cu kizas esaki ta pa motibo di e miedo di e ambiente y e caracternan cu ta hospeda den KIA.

Sr. Sevinger ta den un mix di diferente personahe cera y condena pa diferente actonan criminal. Entre otro atracadornan, asesino, y violador.

Coleganan di partido y simpatisantenan sa bay den un grupito parti pariba di KIA haciendo zonidonan cu e speransa cu esaki por yega te na unda Sevinger ta cera. Posiblemente cu e fin di duna Sevinger sosten moral.

Benny Sevinger tin diferente cargonan den su contra, entre otro corrupcion di terenonan di pais Aruba.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio