Home Corte Mañan promer cu 12’or di merdia Gobierno mester facilita AVP registro di...

Mañan promer cu 12’or di merdia Gobierno mester facilita AVP registro di votadornan pero sin adress

SHARE

ORANJESTAD – Awe den oranan di merdia, Hues di Corte den Promer Instancia a dicta sentencia den e caso sumario cu AVP a cuminsa contra Gobierno. Ta asina cu e partidonan, esta e huristanan di Gobierno y mr. Sjiem Fat a haya fax di e sentencia.

Aruba Nativa por a compronde cu Hues den su sentencia ta mustra cu mescos cu abogado mr. Sjiem Fat di AVP a mustra, articulo 10 lid 2 di e ley di votacion, e partido tin derecho di haya 2 copia di e registro di votacion.

Hues a bay hopi amplio riba e parti di privacidad di hende manera ta para den articulo 8 di EVRM. Hues ta mustra cu segun articulo 8 di EVRM lid 2, por hustifica un violacion riba e privacidad di hende ora cu esaki ta necesario den un comunidad democratico.

Hues ta haya cu mester por haci control legitimo manera esnan di Gobierno ta haci durante votacion pero tambe di banda di e partidonan politico cu ta participa den eleccion.

Hues a dicidi cu Gobierno mester facilita copia di e registro dia 24 Juni 2021 mas tarda 12’or di merdia. E registro di votadornan ta contene solamente nomber di e votadornan y e destricto unda nan tin cu vota.