Home Police Toyota Rush a bolter dialuna mainta trempan, un dama a resulta herida

Toyota Rush a bolter dialuna mainta trempan, un dama a resulta herida

SHARE

Driemasterstraat/ Rudolf Arendsstraat – Dialuna mainta rond di 8’or pasa polis a haya informacion di un accidente di trafico y cu un di e autonan a bolter.

Esaki tawata ariba e crusada di Driemasterstraat cu Rudolf Arendsstraat.

Mesora patruya di Playa a sali pa dicho luga. Prome cu polisnan a yega algun persona na e sitio a yuda e un dama herida sali for di e vehiculo, cu ta un Toyota Rush. Aunke nos mester bisa cu esaki no (tur ora) ta bon, debi cu no sa ki sorto di golpi e persona por tin paden.

E otro vehiculo cu ta un Suzuki Ignis esnan den dje tawata ok.

Na yegada polis a topa cu e autonan y e dama chauffeur di e Toyota Rush ya pafo di e auto manera nos a menciona caba.

Por a mira cu e dama ricibi un corta na su brasa robes.

Falta di preferencia tawata motibo ri e accidente aki, momento cu e Toyota Rush a subi e crusada for di pariba sin stop pa wak trafico ambos banda.

For di e chauffeur di e Ignis nos por a scucha cu e tawata biniendo di panort, momento cu e la haya confronta cu e Toyota su dilanti.

Ambulance a wordo pidi y na yegada Paramediconan a hiba e dama Hospital pa un check up poco mas avansa.

Polis di trafico y tambe takelwagen a presenta pa pone e auto ariba su 4 wielnan bek.