Dos persona herida den accidente serio diasabra atardi

Van Leeuwenhoekstraat – Caya Ing.Roland H.Laclé – Diasabra merdia algo prome cu 4’or polis a wordo informa di un accidente serio altura di La Fama.

Prome informacion a papia di un accidente di trafico serio.

Falta di preferencia a hunga un rol, unda cu den e boksmento a ranca un palo di luz completamente. Durante cu e palo a kibra e kibra un parti di un cura di cas.

E autonan envolvi tawata un Toyota Vitz y un Nissan Altima.

Den e accidente un mucha y un adulto a resulta herida, unda cu ambulance a wordo pidi y na yegada Paramediconan a atende cu nan.

Caminda mester a wordo cera pa desvia e trafico.

Elmar tambe a yega pa mesora cuminsa traha ariba e palo di luz cu a kibra y a keda colga.