Home Police Atraco arma ariba Yanana Supermarket na San Barbola

Atraco arma ariba Yanana Supermarket na San Barbola

SHARE

San Barbola – Diasabra anochi despues di hopi tempo Aruba ta tende di un atraco arma, y e biaha aki tawata ariba un supermercado Chines.

Aki ta sigui un relato oficial di parti Cuerpo Policial:

“Awe diasabra anochi pa 9:23 central di polis ta wordo notifica di un atraco cu a caba di tuma lugar na Yanana Supermarket situa na San Barbola.
Ta manda un patruya di biaha y na unda na su yegada por a bin compronde cu un rato prome un atraco a tuma lugar. Ta trata di dos hende homber bisti full na colornan scur y cara tapa . Nan q papia bon papiamento . Un di nan tbt tin un arma di candela den man y e otro un cuchiu. Nan a bay cu e benta di dia . Despues nan lo mester a huy den un auto chikito color blanca.

Atraco Team a presenta na e sitio pa haci nan investigacion. Tambe polis technico a yega y slachtofferhulp.

Cuerpo Policial ta pidi un biaha mas esnan cu tin informacion jama e tiplijjn di polis cu ta 11141. Bo ta garantisa di keda anonimo”.