Home Local Un supuesto carta of nota di preso Sevinger lo a sali...

Un supuesto carta of nota di preso Sevinger lo a sali for di KIA y a keda intercepta

SHARE

Durante siman nos a ricibi varios informacion di un carta of un pida papel cu un nota riba dje cu lo mester a sali for di KIA, e carta of pida papel aki tabata contene informacion cu lo a sali for di e candidato di A.V.P. kende actualmente ta preso y ta e sospechoso principal den e conocido caso yama Avestruz.

Oranjestad/Santo Patia –
E informacion aki a sali na cla, mas o menos  un siman pasa. Manera ta custumber diariamente e compania di catering ta entrega cuminda na KIA pa e presonan. Probablemente den e traynan bashi of den mas cos cu mester a bay bek na e compania, un trahado atento lo mester a intercepta un pida papel of carta cu un mensahe riba dje di Sevinger. E trahado na su turno lo a informa su superiornan y e esaki mesora lo a wordo poni den man di autoridad.

Landsrecherche hunto cu RST a start un investigacion, unda te hasta a interoga un Cipier femenino(Guardia) cu lo tabata posiblemente tabata at the wrong place, wrong time.

Segun informacion, ora cuminda yega KIA, e ta wordo reparti door di e presonan mes y no door di e guardianan y asina ta mas facil pa smokkel un pida papel, debi cu nan no ta wordo controla, pero e guardianan si ta wordo bon controla na entrada y salida.

Mas informacion cu nos a ricibi tambe, cu un persona hopi yega na  Sevinger lo ta traha na e compania di Catering aki, tin informacion circulando cu despues cu e carta a keda intercepta e persona aki lo a  wordo geschors, pero esaki nos no por a confirma. Pa casualidad net dia cu e carta a wordo intercepta e cabayero aki no tabata trahando.

Tampoco no ta conoci si esaki ta e prome y unico biaha cu e preso Sevinger lo a trata na pasa un carta scondi for di KIA pa un persona pafo di KIA, via e compania di Catering. E biaha aki e la wordo descubri, of a cay den mannan robes.