Home » Tres persona herida den accidente serio na Pos Abou

Tres persona herida den accidente serio na Pos Abou

by Admin
0 comment 86 views

Pos Abou – Diabierna merdia pasa di 3’or unidadnan di rescate a sali pa e crusada conoci pa accidente na Pos Abou. Eynan a sosode un accidente serio unda lo tawata tin varios heridos.

Mesora unidadnan ariba caya di Cuerpo Policial a bay e sitio pa asina tuma nota di kiko tur tawata pasando y tambe check cuanto herido tin.

E accidente tawata entre un Honda Fit y un Nissan March.

Debi na e impacto e Honda a bay cay den e greppel banda di pazuid, unda un persona a keda pega y tawata tin mester di unidad di rescate di Brandweer saca e persona.

Caminda a wordo cera, unda cu e personal di Ambulance, Brandweer y Polis por a haci nan trabou den trankilidad.

Ambulance a transporta dos persona cu tawata den e March pa Hospital y despues di algun rato cu bomberonan a libera e persona for di e Honda Fit e tambe a wordo transporta cu Ambulance pa Hospital. 

Polis di trafico a pidi BFTO na e sitio pa asina tuma imagennan di e accidente pa esakinan wordo usa den e investigacion.

E accidente mes ta mustra falta di preferencia ta e causa, pero esey polis di trafico lo mester bay saca afo. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio