Home Local Gerald Vingal den caso IBIS pa traficacion di hende, y cuestiona di...

Gerald Vingal den caso IBIS pa traficacion di hende, y cuestiona di lo por ta wordo cumpra

SHARE

Den nos box a yega diferente informacion di otro candidatonan riba diferente listanan cu ta meti den casonan di corupcion y cu  ta wordo investiga. 

Ora un persona ta subi lista, e mester wordo bon gescreen of su mes mester screen su mes, pa mira si e ta limpi of e tin un mancha riba su nomber. Aruba mester wordo goberna pa gobernantenan integro y no mancha.

CANDIDATO DI ACCION 21 GERALD VINGAL COMO HEFE DI IMIGRACION DEN CASO IBIS PA TRAFICACION DI HENDE Y AWO CUESTIONA TAMBE DI LO POR TA WORDO CUMPRA?

Den ultimo dianan tin varios casonan dudoso y di coruptivo ta saliendo na cla, referente candidatonan riba diferente lista di partido chikito.

Marisol Lopez Tromp di MAS ta wordo cuestiona pa a fix un tereno pa su ruman den 8 dia.
Geoffrey Wever di Raiz ta wordo cuestiona pa e caso avestruz.

Gerald Vingal di Accion 21, tambe ta wordo cuestiona, pa lo siguiente:
‘ Tempo cu e tabata hefe na Imigracion / IASA, e tabata na altura ki ora Guarda Nos Costa ta bai tene razzia y segun informacion cu nos a ricibi, Vingal tabata yama comerciantenan cu tabata tin empleadonan ilegal den servicio, pa avisa nan prome cu Guarda Nos Costa yega.’

Esaki a wordo constata durante e investigacionnan di caso Ibis.

E tipo di actonan aki ta corupcion y segun nos a haya informacion cu lo tin un investigacion andando y dentro di poco lo tuma accion riba e candidato nr 3 di lista Accion 21.

Ta cuestiona con su persona como hefe di departamento tabata alerta e comerciante pa e comerciante core sconde tur nan personal ilegal. Esaki tabata a cambio di kiko? di placa? di fabor? te hasta ta wordo papia di ticketnan pa concierto!

E investigacion mester ta finalisando pronto, y cu esaki tin un politico mas cu ta un sospechoso riba un lista politico. Autoridad ta sigui cu nan investigacion.

Candidato number 3 riba Accion21, tabata meti den e caso IBIS, parti di traficacion di hende.

Den e caso IBIS, Sr. Vingal den su posicion como di Hefe di I.A.S.A. a wordo pidi pa laga entre otro Sra. Y.N. Zabaleta de Altuve drenta Aruba, sin carta di garantie y como turista.

Mientras cu Sr. Vingal tabata bon na altura, cu locual e ta haci ta contra ley. Ex Minister Paul Croes a acerca Vingal cu un peticion contra ley pa laga e dama Yengler Zabaleta, drenta Aruba, pasobra e dama aki lo mester bay traha na su cas. Yengler a drenta Aruba na 2016, como tres biaha e la drenta Aruba, y e ultimo biaha na December 2016 Yengler lo tabata tin mester di un carta di garantia pa por a drenta como turista pa 30 dia.

E hefe di Imigracion Sr. Vingal a laga Yengler drenta Aruba, sin un carta di garantia. Mientras e tabata bon na altura cu Yengler no tabata turista pero a bin traha na Aruba na cas di Paul Croes. .

E ex Ministro a tuma contacto cu Vingal pa regla esaki. Sr. Vingal a pidi e ex mandatario pa manda copia di paspoort y e ruta di su viahe, anto asina e mes lo percura pa e persona aki cu no ta permiti pa drenta Aruba,  toch drenta y pasa imigracion sin problema.

Personanan cu keda mas cu nan a wordo permiti, of a wordo deporta etc, No mag drenta Aruba pa un cantidad di aña, pero for di combersacionnan e tempo ey, a bin compronde cu tabata tin un lista di nomber di e personanan aki cu si tabata wordo permiti pa drenta maske pa ley nan ta prohibi. E personanan aki ora nan yega nan lo mester a sinta warda y na ultimo nan entrada tabata wordo autorisa pa Sr. Vingal.

Maske cu tabata tin algun supervisor na imigracion cu tabata cuestiona e modus operandi aki y tabata manda Vingal bin firma y autorisa e entradanan ilegalnan aki bo mes personalmente.

Sr. Vingal a wordo uza pa ex ministro pa laga personanan drenta Aruba na un forma cu no ta wordo permiti. Un cos ta sigur tur loke wordo papia na un telefon y ta den aire por wordo capta.

 

SHARE
Previous articleNingun Grito den Silencio
Next article10 Caso nobo, 28 activo