161
Wayaca – Diamars anochi pasa di 10’or informacion a drenta di un accidente cerca e cura di Airport y tambe cu lo tin hende herida.
Mesora patruyanan ariba caya y den cercania a tuma direccion pa e sitio.
Na prome instante a ser bisa cu un auto lo a bolter, pero na yegada polisnan a topa cu un Hyundai Accent hopi destruí.
Ta mustra cu velocidad halto a hunga un rol y a pone cu e chauffeur di e auto a perde control completo ariba e vehiculo.
Esaki a pone cu e Hyundai Accent a bay dal contra cura di Hyatt Place, un impacto hopi fuerte.
Dos ambulance a presenta pa atende cu esnan herida y despues transporta esnan cu mester bay Hospital pa mas atencion medico.
