Home » Mama sospecha di a overdose su yiu di 8 aña cu varios pildo, cu consecuencia fatal pa e criatura

Mama sospecha di a overdose su yiu di 8 aña cu varios pildo, cu consecuencia fatal pa e criatura

by Admin
0 comment 70 views

GENTBRUGGE, BELGICA

Johan D.G. a bay na e apartamento caminda su yiu y mama di su yiu ta biba y e la bin topa cu su yiu homber di apenas 8 aña morto sinta den un stul, e tabata lora den un deken, banda di e mucha a bin topa cu su dos chihuahuanan cu tambe tabata morto.

Tur cos a cuminsa dialuna siman pasa, na momento cu Natasja D.G. a yama y a bisa scol cu su yiu ta malo y cu e no por bin scol. Dianan a pasa y diahuebs scol a manda pidi pa e mama presenta na scol pa un combersacion, paso nan no tabata confia e situacion.

Na momento cu ora tabata pasando, e mama no tin fin di yega na scol y tampoco no tabata contesta su telefon. E scol Gregoriusinstituut a dicidi di tuma contacto cu e tata y a splik’e cu su yiu for di dialuna no a bin scol y cu e mama no a show up pa e combersacion na scol. Tambe scol a bisa e tata cu e mama no ta contesta su telefon.

E tata mesora a dicidi di bay na e apartamento caminda e mama di su yiu y su yiu ta bibando. Ora e la drenta paden, e cas tabata full scur, e tabata scucha musica den background, ora e la cende e luz e la bin descubri su yiu homber Angelus di apenas 8 aña sin bida den un stul, e curpa di Angelus tabata lora den un deken. Banda di Angelus e la bin topa tambe cu e curpa di su dos Chihuahuanan. Tabata un shock hopi grandi pa e tata.Famianan di Angelus a keda cu mil y un pregunta sin por haya contesta.

Angelus tabata un mucha autista y tabata bay Sint Gregoriusinstituut, cu ta un scol specializa pa educa y guia muchanan cu cierto limitacionnan, den nan crecimento te ora nan bira adulto, e educadonan ta duna e muchanan extra atencion y ta dedica hopi mas tempo na muchanan aki, nan tabata preocupa pa Angelus y pa e motibo aki,  diahuebs nan kier a papia cu e mama, pero sin resultado, mesora a bati alarma, pero lamentabelmente esaki tabata mucho laat pa Angelus.

Mesora autoridad a cuminsa cu un investigacion, hopi lihe a bin sali na cla cu Natasja D.G., mama di Angelus D.G. ta e unico sospechoso den e caso aki. Pa motibo cu Natasja no tabata na e cas y no a yega na e cas tampoco mas. Autoridad a cuminsa cu un buskeda pa Natasja D.G.

Diasabra ultimo polis a logra pone man riba Natasja, e la wordo haya ta dwaal rond den un parke na Gentbrugge. Tur cos ta indica cu despues cu e criatura a fayece, e mama no a ni bay bek cas.

For di investigacionnan a sali na cla tambe, cu probablemente e mama lo a overdose su yiu cu varios pildo y cu consecuencia cu e criatura su curpa fragil no por a wanta e cantidad di pildo y a fayece.

E tata na yoramento a bisa “Esaki ta algo cu nunca ma spera, cu mi pareha por tabata capas di haci algo asina” “
E mama a keda cera y Fiscal a confirma cu ta trata di un morto sospechoso. E mama ta deteni na e prison di Gent. E lo keda deteni pa mas investigacion, entre otro lo wordo atendi y investiga pa un psychiater.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio