Home Police Homber Mericano deteni despues di a horta un ambulance na post di...

Homber Mericano deteni despues di a horta un ambulance na post di Wayaca

SHARE

Wayaca – Diadomingo anochi den careda di 9’or pasa informacion a drenta cu e Ambulance TR-29 a wordo horta y cu e lo coriendo rond den area di Wayaca.

Den e ambulance parti patras, lo tawata tin un Paramedico, unda cu dado momento a haye cu un ambulance cu a cuminsa move sin niun hende bise algo.

Un otro colega cu lo a mira kiko a sosode segun nos a compronde lo a sali na careda tras di e ambulance.

Ariba e caminda den Wayaca unda antes tawata casnan di polis e hende homber a para e vehiculo y baha core bay direccion nort.

Mientrastanto por a mira cu tur e otro coleganan Paramedico a yega na e sitio, pa asina pone nan mes na altura di kiko tur tawata pasando.

Polis a yega na e sitio, mientras otro patruyanan tawata tirando bista unda e homber a core bay.

Algun rato despues polisna a bin topa cu e hende homber cu no ta local. Tawata trata di un homber Mericano bou substancia di algo mirando su comportacion.

E persona ta desconoci pa e agentenan. No ta conoci si ta awor poco e por a yega Aruba of ya tin basta dia caba akinan y lo a bay purba algo cu pone bay haci cos straño manera horta un ambulance.

E la wordo deteni y transporta pa warda di Playa.