Home » Homber Mericano cu a horta ambulance a bira hopi malo momento cu e la yega warda di polis

Homber Mericano cu a horta ambulance a bira hopi malo momento cu e la yega warda di polis

by Admin
0 comment 63 views

Wilhelminastraat – Diadomingo anochi manera nos a trece dilanti caba den e articulo anterior, unda cu un ambulance numera Tr- 29 a wordo horta y cu e algun rato despues polisnan a topa cu e persona sospecha di a comete e acto.

E homber cu lo a horta e ambulance a wordo haya no mucho rato despues y a wordo aresta y hiba pa warda di Playa, unda si ta bon lo mester a wordo atendi door di un Sub Fiscal.

Momento cu e transportwagen a yega e warda di polis den Wilhelminastraat cos a cambia.

Durante cu polisnan a bay baha e homber for di e transportwagen pa hibe paden e detenido lo a bira malo, spantando tur hende.

Segun nos por a compronde, cu polisnan te hasta mester a los e boeinan debi cu e homber Mericano a cuminsa bati/sacudi masha duro mes y lo no por a hala rosea bon mas.

Esaki a bira motibo suficiente pa pidi ambulance cu maximo urgencia.

Na yegada di Arubanative.com na Wilhelminastraat nos por a mira cu e persona tawata ariba caminda drumi rondona door di agentenan policial wardando Ambulance, cu tawata zonando den leu yegando poco poco mas cerca.

A yega prome ambulance y despues di un rato un segundo ambulance.

No tawata tin mas pasada e momento eynan dilanti Warda di Polis cu tawata blokia debi na e caso aki.

Paramediconan mesora a drenta den accion y despues di algun minuut cu a stabilisa e homber Mericano(desconoci) a lante y a hibe direccion Hospital pa mira kiko lo por a pase. Na e momento eynan e homber tawata na tino.

Trafico mester a warda of bira den e cayanan na banda di warda di polis.

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio