Home Police Homber bou influencia aresta despues di a maltrata un hende muhe

Homber bou influencia aresta despues di a maltrata un hende muhe

SHARE

Palm Beach – Diadomingo den oranan di atardi varios unidad policial a bay un adres na Palm Beach, unda un homber lo a agredi un persona.

Na yegada a topa un conoci di polis y mesora a pidi pa mas patruya si e situacion lo por sali for di man.

E asistencia lo tawata encera cu e homber en cuestion lo a bay un adres y maltrata un hende muhe.

Na prome instante ora polis a yega e homber lo tawata altera.

Despues di algun rato cu polisnan na e sitio lo a splica e homber ariba e consecuencianan e la calma y asina polisnan a domina e situacion.

Agentenan no a warda ariba transportwagen y nan mes a hibe warda di polis na Shaba.

E homber tawata bou influencia di un of otro substancia.

Pa loke ta e muhe, polisnan a mustre ariba su caminda pa cana y pa e bay Hospital unda cu lo mester haya carta pa por entrega un keho di maltrato.