Home » Aruba Bank ta mira fruto di G4N na SPO St. Cruz, Proyecto Horticultura a wordo Inaugura

Aruba Bank ta mira fruto di G4N na SPO St. Cruz, Proyecto Horticultura a wordo Inaugura

by Admin
0 comment 53 views

Aruba Bank ta contento di por a incentiva studiantenan di Scol Practico pa Ofishi St. Cruz pa realisa e proyecto Horticultura.

Despues di a gana e tercer puesto durante di e Good4theNeighborhood – School Edition na 2014, cu nan proyecto di Green House, como tambe tercer puesto na 2015 cu nan ‘video project’, cual a enfoka ariba e topico di recyclahe di awa pa spaar na consumo, SPO st.Cruz a uza nan premionan cu nan a ricibi en efectivo pa nan Proyecto Horticultura.

Un seccion den e cura di scol a wordo destina pa e Proyecto Horticultura, unda e studiantenan awor ta haya les di cultiva, planta y cuido di matanan cu ta duna fruta, manera pika, pinda y boonchi. Manera nan Green House, Horticultura tambe a bira parti e e curiculo di e scol.

Team di SPO a duna honor na e representantenan di Aruba Bank, Kenneth Tromp, cu a yuda guia e proyecto di Green House y Roxanne Kock-Croes, coordinadora di G4N pa haci e inauguracion oficial di e Proyecto Horticultura.

Directora di scol SPO, Zoraida Godoy a duna su palabra di agradecimiento na Aruba Bank cu nan por a logra e proyecto aki. E iniciativa di Good4thNeighborhood pa tur e scolanan secundario sigur ta hopi positivo pa asina nan por sigui desaroya, inspira y motiva e alumnonan pa traha den ekipo y realisa un proyecto.

Pabien un biaha mas na henter e team di SPO St. Cruz y na tur alumnonan cu a realisa e tremendo iniciativa aki cu ta aporta na educacion di nos hobennan, eficiencia di e scol, y na medio ambiente di nos pais. Pabien!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio