Home Police Mitsubishi Nativa a bolter y chauffeur a keda pega den e auto

Mitsubishi Nativa a bolter y chauffeur a keda pega den e auto

SHARE

Sabanilla Abou – Diasabra anochi laat informacion a drenta cu un auto lo a bolter na Sabanilla Abou y cu e persona ta herida.

Mirando e seriedad di e accidente a pidi pa Materiaalwagen. Na e sitio a presenta dos unidad di Brandweer incluyendo e Materiaalwagen. 

Na e sitio e unidadnan di rescate a bin topa cu auto benta den mondi banda di panort ariba e caminda di Sabanilla Abou.

Tawata trata di un Mitsubishi Nativa color blanco.

E chauffeur masculino tawata den un posicion cu su pia tawata pasa door di e stuurwiel y colgando pafo di e windshield. 

Por a mira cu bomberonan tawata comunica cu e homber.

Bomberonan mester a stabilisa e vehiculo debi cu e esaki tawata ariba su banda robes.

A logra saca e chauffeur despues cu a corta parti di dak.

Paramediconan na e sitio tawata stand by pa mesora tuma e persona over y pasa den ambulance. 

Polisnan di trafico a presenta na e sitio pa tuma dato di locula a pasa.

Velocidad halto ta mustra di por a hunga un rol.

E victima a wordo transporta pa Hospital.