Home Local Michella Laclé e/v Steenvoorde candidato no. 27 MEP Plan Mayor Obligatorio splica...

Michella Laclé e/v Steenvoorde candidato no. 27 MEP Plan Mayor Obligatorio splica na Universidad di Aruba

SHARE

Asina yuda den e formacion pa capacita personanan cu lo traha de e area aki

ORANJESTAD- E programma di estudio acredita, desde 24 di Maart 2017 “ Social work and Development” ya cumpli 10 aña formando parti di e curriculum di Universidad di Aruba.

Un programma di orientacion tanto professional como di investigacion cu ta prepara e alumno pa traha den e terreno social, algo cu sigur ta necesidad na nos pais.

Un di e prome personanan cu ta den su finalisacion di e cuater aña di estudio den e curriculum Soaical Work and Development, ta Thalina Willems y ta terminando su estudio di specialisacion den co-ouderschap na Aruba.

Despues di varios investigacion, Thalina Willems lo presenta y defende su afstudeer thesis. Un programma na unda entre otro ta desaroyando un plataforma online pa facilita mayornan pa tuma e stap di un manera professional y coordina pa co-ouderschap.

Michella Steenvoorde Laclé, como Presidente di cie.Voortgezet Ouderschap y trekker di e proyecto di ley pa Plan di Mayor Obligatorio, a wordo aserca pa Thalina Willems, pa atraves di un charla na Universidad di Aruba, bin splica kiko ta encera e Plan di Mayor Obligartorio, pero tambe pa splica over di e trabounan ya haci, y e trabounan pendiente.

“E programma ta constantemente den desaroyo, pa e wordo mehora y ahusta na e temponan actual y sigur ta yuda den e formacion pa yuda capacita personanan den nan trabao, na momento di implementa e co-ouderschap.” Michella, candidato 27 riba e lista di MEP ta enfatisa.

Mi ta orguyoso y agradecido na Thalina Willems pa e invitacion. Thalina, no ta desconoci den e ramo aki, ya cu e ta bin for di e area di Recurso humano, na unda e la funciona cu un curazon grandi pa comunidad y servicio publico. Un dama cu preserverancia, mama di dos jui, cu ta mira e necesidad di profesionalisa su mes, sigui studia, pa yuda su pais.

Un di e puntonan di enfoke sigur di e Programma di Gobernacion di MEP, ta e evaluacion y introduccion di un Bachelors Degree Program amplio, den mas ramonan di estudio cu Universidad di Aruba no ta ofrece. Ampliando e cantidad di facultadnan na Universidad di Aruba lo crea mas facilidad pa studia na Aruba mes.

“Enseňansa ta clave den formacion di un comunidad. Percurando pa cambio, adaptacion y creacion di diferente ley di enseñansa pa garantisa implementacion di PEN 2030, den consulta constante cu docentenan, lo ta e solucion” Michella Steenvoorde Lacle ta termina enfatisando cu e restructuracion ta e necesidad.

Mi ta desea Thalina Willems hopi exito pa cu su Master y di curazon mi portanan semper ta habri pa yuda na unda cu mi por. Exito!

Pa mas informacion tocante Plan di Mayor Obligatorio bishita mi website www. http://www.michella.org of Facebook MichellaSteenvoordeLaclecandidato27MEP.