Home » Homber Domincano a secuestra su mama y su pareha, menasandonan cu cuchiu na garganta.

Homber Domincano a secuestra su mama y su pareha, menasandonan cu cuchiu na garganta.

by Admin
0 comment 65 views

Tanki Leendert – Diadomingo merdia den careda di 12’or situacion a bira tenso den un cas na Tanki Leendert, momento cu un homber a dicidi suecuestra un dama cu un cuchiu na su nek.

E la mustra polisnan esey cu si nan drenta e lo corta garganta di e muhe cu ta su pareha.

Un agente di Team di Aresto a yega pa mira e situacion y bay bek avisa su coleganan.

Despues di 1 ora Team di Aresto ta yega

Den un caravana e Team di Aresto a yega y despues di basta oranan di negociacion pasa di 3’or di atardi team di aresto a drenta e cas.

Na e momento eynan dos dama tawata secuestra, pareha di e homber y su mesun mama cu lo a yega pa papia cu ne.

Ta trata di un homber Dominicano, e ta conoci pa ta agresivo y un usado di droga. Segun polis e homber su demanda ta pa drecha su papelnan di estadia aki na Aruba.

Segun testigonan e homber aki tawata cera y lo a sali bek.

Otro informacion cu nos ta dispone di dje tambe ta cu e situacion aki a escala tambe debi cu su pareha un dama Colombiana lo ta infiel na dje y e lo no por biba cu esey.

Pues fuera di kier su papelnan regla e tin problema cu su pareha, cu segun e homber lo tin un amante.

Ora cu mama di e homber a yega pa papia cu ne, e la opta pa secuestra su mama tambe.

Final

Team di aresto despues di a studia e cas bon etc etc y a negocia cu e homber no a keda nada otro pa actua.

Danki Dios cu morto no a cay y cu e damanan tanto e mama y e pareha di e secuestrador a sali ileso di e odisea aki.  Dos ambulance a presenta na e sitio pa warda si nan mester a drenta accion mesora.

Un bon trabou di polis cu aunke a tarda hopi, pero a sa di detene e homber peligroso aki y salba bida di e dos muhenan.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio