Home » COMO PARTI DI ARUBA HEALTH & HAPPINESS CODE: ARUBA CONOCE UN TERMINAL DI CRUCERO COMPLETAMENTE CERTIFICA POR CONTA CU MAS TOUR OPERATORS CU A RICIBI E GOLD SEAL

COMO PARTI DI ARUBA HEALTH & HAPPINESS CODE: ARUBA CONOCE UN TERMINAL DI CRUCERO COMPLETAMENTE CERTIFICA POR CONTA CU MAS TOUR OPERATORS CU A RICIBI E GOLD SEAL

by Admin
0 comment 72 views

ORANJESTAD – A.T.A. hunto cu diferente instancia gubernamental a lansa e programa di Aruba Health and Happiness Code (HH Code) cu e meta pa sigura cu protocolnan di higiena y salud ta na un nivel cu nos bishitantenan ta spera ora di bishita un destinacion turistico manera Aruba.

Sigur awo cu nos turismo ta biniendo bek fuerte, pa oficina di turismo ta di sumo importancia cu nos instancianan turIstico como tambe nos companianan local por keda provee e miho servicio y producto posibel asina garantisando cu nos ta un destinacion cu ta keda “safe” pa bishita.

Den cuadro di e prome bishita di crucero desde 2020, A.T.A. conhuntamente cu Taskforce/ DVG a bishita y certifica tur companianan localisa den e terminal pa asina por bin na remarca pa e seyo maximo, pues e Seyo di Oro di Aruba Health and Happiness Code. Tambe e terminal riba su mes a wordo reconoci pa ta cumpli cu e reglanan vigente y tambe a haya su Seyo di Oro.

Ademas a sigui cu e control di diferente tour operator, unda recien a organisa un asina yama “drive thru” unda diferente compania a bin pa asina por pasa e control y haya nan Seyo di Oro. En total a logra otorga 7 compania cu e Seyo di Oro. E “drive thru’ aki lo ripiti sigur un biaha mas, cu lo ta planea pa dia 17 di juni cuminsando pa 8:30 or di mainta pa 10 or di mainta dilanti oficina di turismo, L.G. Smith Boulevard 8. Tur tour operator cu tin vehiculo por trece esaki na e parkinglot pa asina wordo controla. Manera ta conoci caba, den e proceso di HH Code, nos ta sigura pa e parti di protocol di higiena como tambe ta sigura cu e vehiculo ta cumpli cu tur rekisito pa por ta riba nos camindanan.

Un palabra di pabien ta bay na Kini Kini Tours, Allstarz Tours, Excellent Jireh tours, Fofoti Tours, Jeff Tours, Yuyu Tours, Wix Tours, Freddy Ready, HF Tours y Cocolishi Tours. Nan tur a logra y a sina a ricibi nan Seyo di Oro. Sigur un bunita logro!

Companianan cu kier ricibi mas informacion por semper manda un email na [email protected]. Si bo compania ta registra pero no a ricibi un email ainda, fabor verifica bo spam/ of junkbox prome cu comunica na e e-mail menciona akiriba.

Aruba ta conta cu e motivacion y aportacion di cada un di nos pa haci e cambio positivo pa nos isla!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio