Update: Na prome instante OM a duna di conoce cu O.B. Sevinger lo a ricibi un detencion di 60 dia adicional. Awe 7:30 PM di atardi O.M a coregi e informacion aki, pues no tin ningun ordo di 60 dia di detencion. Sevinger ta den su 18 dianan ainda di detencion.
Oranjestad – Aruba
Despues di basta dia Ministerio Publico diabierna atardi a duna un update di e caso Avestruz, unda cu actualmente tin e ex Minister y actual Parlamentario di partido AVP cera na KIA.
Durante siman un team investigativo di Landsrecherche ta subi cabes pariba direccion KIA, unda cu interogacionnan ta tuma luga. Un caso cu masha hopi documentacion cu nan lo ta pasa aribanan y na mes momento presenta pruebanan.
Riba peticion di Ministerio Publico e siman aki huez-comisario a suspende condicionalmente e detencion di e sospechoso P.Th.A.Susebeek den e investigacion Avestruz. Huez-comisario a pone como un di e condicionnan cu Susebeek no mag di tin contacto cu otro sospechosonan y cu e tin cu coopera cu e investigacion, pues anytime su persona por wordo yama pa sigui cu e investigacion.
