Hendrik Tevreden (MEP) Formacion y union den un comunidad ta importante

Puis X School a haya bishita di politico di MEP Hendrik Tevreden. E bishita aki ta netamente pa mira con e scol a keda despues cu a haci peticion pa e scol haya su asfalt pa nan por sigui cu nan proyecto den nan mes un cura di scol, e proyecto aki yama ‘’ Veilig Leren Fietsen ‘’.
E peticion cu a keda haci for di basta tempo na DOW a keda cumpli pa e muchanan di e scol por haya patras di e Gymzaal completamente asfalta. E muchanan por siña core bicicleta den un forma hopi safe.
Sinembargo e asfalt no lo keda completamente preto, lo haci e pinturanan adecua pa asina e muchanan por siña e borchinan y tambe sa kico ta tur e significativo di e liñanan blanco riba caminda.
Esaki no tabata posibel sin e esfuerso di Prome Minister Evelyn Wever Croes, e mandatario a traha duro pa asina mira esaki bira posibel pa e muchanan por sigui train den practica di cual nan ta haya den teoria den klas di tur loke ta e borchinan di trafico riba caminda publico. Tambe e liña nan blanco riba caminda e muchanan lo tin un bista mas amplio pa nan sa unda ta e caminda safe core y cana.
FATIMA college tambe lo haya su asfalt prome cu e aña escolar nobo cuminsa pa asina ora e aña escolar nobo habri, e muchanan por habri nan aña escolar hopi mas agradabel. Segun Hendrik Tevreden, apesar cu e la tarda un poco tog a logra y ta felicita Puis X school y bario di Dakota cu e logro aki.
Partido MEP ta bringa pa un sociedad balansa y ta importante cu nos muchanan por haya trainingnan cu ta enfoca den forma nan bida. Formacion den un comunidad y union den un comunidad ta importante. Lo sigui traha pa e bario di dakota y sigui lucha pa e muchanan di Dakota, y cu e apoyo y sosten di henter Dakota, por sigui haci mas cambio den e bario di Dakota y Aruba engeneral.