Home » Findishi di botonan

Findishi di botonan

by Admin
0 comment 101 views

Oranjestad – Aruba

Ministerio Publico lo bende algun boto cu tin warda actualmente na Marinierskazerne. E venta lo tuma lugar diamars 22 di juni 2021 desde 9’or di mainta. E botonan lo wordo bendi na esun cu ofrece mas cen.

 

Mescos cu tempo di venta di boto aña pasa, personanan cu ta interesa mester inscribi di antemano na Ministerio Publico. Paga tino: e reglanan lo ta mas stricto cu na 2020, relaciona cu medidanan di Covid-19. Tambe lo tin un maximo di inscripcion di 120 persona

 

  • Bo tin chens di inscribi pa mas tarda diamars 15 di juni 2021 pa 12’or di merdia na Ministerio Publico via e-mail [email protected]. Bo mag di yama señora Angela na telefon tambe via su number directo 521-4135 riba diahuebs 10 di juni y diabierna 11 di juni 2021 di 2’or pa 4’or di atardi. Corda cu inscripcion ta cera pa 12’or di merdia riba diamars 15 di juni. 

 

  • Ora di inscribi mester menciona:

–     Nomber

–     Fam

–     Fecha di nacimento

–     Pais di nacimento

–     Number di identidad (di bo cedula, paspoort of rijbewijs)

–     Telefon

 

  • Solamente personanan cu a inscribi cerca señora Angela mag di meld riba 22 di juni 2021 pa 9’or di mainta na Marinierskazerne pa drenta wak e botonan y saca un bid riba nan. Bo mester tin cerca bo e mes ID cu bo a inscribi cu ne. Si bo no tin e ID aki cu bo, bo lo no wordo admiti. Parkeer mag pafor dilanti kazerne.

 

  • Tapa boca ta obligatorio pa drenta Marinierskazerne. Unicamente persona cu a inscribi, tin entrada. No mag di drenta cu mucha.

 

  • Riba diaranzon 23 di juni 2021 lo informa e ganadornan di e bid. Despues por paga na caha di Ministerio Publico na Rumbastraat 29 na Camacuri. Por paga solamente cu cash. Ministerio Publico ta habri di dialuna pa diabierna di 8’or pa 11.30’or di mainta y di 1’or pa 3.30’or di atardi.     

 

  • E botonan lo wordo entrega despues di mustra recibo di pago, contrato di venta y ID di e cumprador.  

 

  • E botonan mester wordo busca mas liher posible. E comprador mes tin cu percura pa transporte. Ministerio Publico no ta duna ningun garantia riba e estado di e botonan. E venta ta ‘as is where is’. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio