Bou di guia di e instructornan di e estudio di Wardacosta e hobennan interesa den e ‘Basisopleidng Kustwacht’ (BOK) a cuminsa na e trayecto di seleccion pa bira agente di Wardacosta. E trayectonan di seleccion a tuma luga na Aruba, Corsou y St. Maarten caminda e hobennan entre 18 – 25 aña mester a hasi diferente ehersisio y training pa demostra nan condicion fisico. E mainta di seleccion a start trempan ku e parti di landamentu, jog y push-ups. Na final nan mester a hasi un ehersisio den team, esaki ta un ehersisio importante como ku e hobennan lo bai traha huntu den team riba e unidatnan di Wardacosta riba lama. E instructornan di e estudio di Wardacosta (BOK) a duna guia y observa e hobennan pa asina hasi un seleccion di esunnan ku lo por cuminsa e estudio di Wardacosta nobo cual lo start den augustus 2021. E siguiente reclutacion cual e hoben lo por solisita pa bira agente di Wardacosta lo cuminsa den januari 2022.
