Calabas/Kudawecha – Diasabra den oranan di merdia pa mas o menos 3’or varios unidad di polis a wordo manda dilanti 99 Bar Restaurant( ex Golden Buddha) pa un pelea grandi.
Na yegada di prome patruya ya esnan cu tawata bringando a bando e sitio, polisnan por a constata boternan kibra ariba caminda.
Agentenan na e sitio a acerca habitantenan cu a presencia tur cos.
Na e sitio Arubanative.com tambe a papia cu testigonan. Segun nan version tawata un bringamento formal entre dos grupo.
No por bisa si nan a topa otro pa casualidad eynan of si nan tawata sigui otro.
Di un otro angulo habitantenan a conta polis cu nan lo a mira un arma di candela, ariba un di esnan bringando.
Polis a tuma tur dato y tambe locual hopi hende no ta lubida, cu na mayoria establecimiento tin Security Cameras. Pues polisnan tin un bon bista di kiko tur a pasa y tambe e vehiculonan envolvi.
Por spera mas problema entre e personanan aki.