Home » Bou escolta di polis: Ex minister y actual Parlamentario Sevinger a yega KIA diabierna mainta prome cu solo a sali

Bou escolta di polis: Ex minister y actual Parlamentario Sevinger a yega KIA diabierna mainta prome cu solo a sali

by Admin
0 comment 96 views

Santo di Patia – Diabierna den oranan di marduga pa mainta a saca e ex Minister y actual Parlamentario di AVP for di warda di polis. Esaki kizas pa evita cualkier incidente pafo di warda of ariba caminda.

Manera nos a trece ayera y a premira, Sevinger mester bay sinta su detencion pa awor na KIA, wardando kiko mas ta bay pasa.

Pa awor Ministerio Publico a duna ordo pa prolonga su detencion.

Den oranan di mainta trempan pa mas o menos 5:40 a.m Benny Sevinger a yega KIA den transportwagen di CEA y bou escolta di polis motorisa y tamba e K9 Unit.

Manera semper ta wordo bisa, prison ta pa tur hende. Pues mescos cu tur otro detenido e la yega den boei y ta cera pendiente con e caso Avestruz ta sigui desaroya.

Diabierna atardi Ministerio Publico a informa cu henter e siman tras di lomba Landsrecherche a scucha un x cantidad di hendenan relaciona cu e caso grandi aki.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio