Home » Michella Lacle e/v Steenvoorde candidato no. 27 MEP REFORSA PROGRAMA PREPARATORIO DI STUDIANTE CU TA BAY STUDIA

Michella Lacle e/v Steenvoorde candidato no. 27 MEP REFORSA PROGRAMA PREPARATORIO DI STUDIANTE CU TA BAY STUDIA

by Admin
0 comment 58 views

 

 

Segun recomendacion haci pa Ombudsman di Hulanda

 

ORANJESTAD– Movimiento Electoral di Pueblo semper a trata sistematicamente pa eleva calidad di educacion na Aruba. Un di e puntonan basta relevante ta e cantidad di studiantenan prepara y cualifica cu ta keda Hulanda y ta carece di miho preparacion.

 

Na februari 2020 Ministerio di Enseñansa, Cultura y Ciensia na Hulanda (Onderwijs, Cultuur en Wetenschap (OCW) den consulta cu e ministernan di enseñansa di e tres paisnan independiente den Reino, a haci un investigacion. Esaki pa por tin un miho bista riba e Monitor Beleidsmaatregelen hoger onderwijs 2018-2019, cu a keda manda riba 31 di augustus na Tweede Kamer. Na januari 2021 e cuater ministernan di enseñansa a discuti e resultadonan di e investigacion ey durante e asina yama Ministerieel Vierlandenoverleg.

 

De e rapport e ombudsman ta pidi atencion pa e obstaculonan cu studiantenan di Aruba ta encontra, loke a bira un punto di enfoke di Movimiento Electoral di Pueblo su programa pa 2021/2024.

 

E focus sigur lo ta no solamente pa trata na match e studiante su estudio cu e necesidadnan di Aruba su mercado laboral a largo plazo, pero tambe di amplia e Bachelors Degree Program, buscando cooperacion riba e tereno aki cu Universidad di Corsou y tambe Institutonan na Hulanda y Merca.

 

Tres punto primordial den e Programa di Movimiento Electoral di Pueblo riba e tematicanan aki lo ta:

  • Revisa e sistema di otorgacion di fiansa di estudio actual y dirigi esaki mas tanto posibel riba e necesidadnan di nos mercado laboral a largo plazo ampliando asina e posibilidad di un empleo na momento cu e studiante termina su estudio.
  • Reforsa e programa preparatorio di studiante cu ta bay studia afo den linia di recomendacion specifico haci pa e Ombudsman Hulandes pa mehora posicion di nos studiantenan na Hulanda.
  • Y evalua introduccion di un Bachelors Degree program den e ramonan di Nursing (incentiva) y “Information and Communication Technology”, Civil/Electrical/Industrial Engineering (bouwkunde/werktuigbouwkunde/ informatica/electrotechniek) y “Data Science”, cu ta ramonan di estudio cu Universidad di Aruba no ta ofrece na nivel di “Bachelors”. Pa por logra esaki mester busca cooperacion riba e tereno aki cu University of Curaçao y tambe institutonan na Hulanda y Merca.

 

E plan di Ombudsman cu ta encera entre otro un bon structura prome cu bay studia y durante di nan studio, con pa structura un miho registro di BSN mas efectivo, informacion tocante apsolucion y con pa prepara e midimento di capacidad financiero ora regresa. E desaroyo aki sigur mester bay man den man cu e sosten di Aruba en general. 

E caminda di e studiante ta garantisa, cu Bo sosten. Asina Aruba ta avansa. Pa sa mas di Michella su plannan por bai riba e website www.michella.org 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio