Angochi – Diasabra mainta algo pasa di 10’or polis di trafico a worro pidi altura di un minimarket na Angochi pa un accidente di trafico.
Na yegada di dos unidad di polis nan ta topa e vehiculonan ainda ariba caminda.
Tawata trata di un Nissan Sentra y Toyita Vitz.
E agente policial na su yegada mesora a mira kiko pasa, esaki tawata visibel na e lastro di brake ariba caminda. Esey tawata di parti di e auto color preto.
Na e sitio nos a compronde di e señora chauffeur di e Nissan cu e lo a bay haci un u-turn y e solo lo a blind e, pues causando cu e no a mira e Toyota preto.
Chauffeur di e Toyota a reacciona mesora y cera brake, kitando bay na su man robes pero asina mes ta dal contra e Nissan.
Den e Vitz un hobencito a resulta herida, despues cu e la bay dal su cara contra e radio di e auto, e tawata yorando ora cu polis a yega di basta dolor.
A pidi ambulance y na yegada paramediconan a atende cu e hobencito.
