N.V. ELMAR ta haci un apelacion na tur partido politico pa durante e periodo aki di campaña electoral, ora di haci bishita den bario, pa pone hopi atencion na kabel di coriente den e area.
Durante e temporada di campaña partidonan politico ta haci bishita den bario cu truck di zonido, speaker y banderanan halto cu por ranca liña di coriente y consequentemente tambe palo di luz causando asina interupcion di coriente den vecindario.
N.V. ELMAR tambe kier a enfatisa cu ora di lanta bandera, pa no pega esaki na tubo di metal den cercania di e kabelnan di coriente. Contacto cu liña di coriente por ta peligroso y hasta por costa bida di hende.
N.V. ELMAR ta suplica tur partido politico y campañadornan tene bon cuenta cu e haltura di speaker riba truck y tambe banderanan durante bishita den bario.
Bo seguridad ta prioridad di N.V. ELMAR.
Oranjestad, 28 di mei, 2021