Home » E fecha final pa entrega e declaracion di winstbelasting 2020 ta bira 30 di november 2021 Esaki no ta valido pa instituto financiero manera banco y compania di seguro

E fecha final pa entrega e declaracion di winstbelasting 2020 ta bira 30 di november 2021 Esaki no ta valido pa instituto financiero manera banco y compania di seguro

by Admin
0 comment 83 views

 

ORANJESTAD Departamento di Impuesto, den consulta cu Minister di Finansas, ta anuncia cu ta extende e  termino pa entrega e declaracion definitivo di winstbelasting 2020 cu 6 luna mas pa tur contribuyente cu no ta un  instituto financiero manera banco of compania di seguro. Manera conoci, e fecha final pa entrega e declaracion  menciona y haci e pago corespondiente ta 31 di mei 2021 y ta bira awor 30 di november 2021. Pa e institutonan  financiero e fecha final ta keda 31 di mei 2021. Ta bon pa aclaria cu e declaracion provisional (voorlopige  aangifte) no ta caduca. Por entrega e declaracion provisional durante aña. 

Entrega e declaracion 

Pa e contribuyentenan cu tin e declaracion definitivo di winstbelasting 2020 cla promer cu e fecha final nobo, por  entrega esaki na oficina principal na Camacuri. Acudi na e balie di recepcion. No mester haci un cita si ta bay  entrega te cu 3 declaracion. Si tin mas cu 3 declaracion, e ora mester haci un cita online via  https://www.impuesto.aw/afspraak_maken_met_DIMP

Apesar cu a extende e fecha final cu 6 luna, Departamento di Impuesto ta recomenda tur contribuyente cu tin  nan declaracion definitivo di winstbelasting 2020 cla, pa entrega esaki di awor caba pa asina por cuminsa  procesa nan di biaha.  

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio