Diadomingo ultimo mei 23 Fundacion Movemento ta Bida a tene un anochi di entregamento di Certificado na tur esnan di edad 60 plus cu a partisipa den un curso di percusion duna pa e experto maestro Vio Wester. Esaki a tuma lugar den aire liber di Lago Heights Club for di 6 pm pa 8.30 pm. Un total di 60 personan tabata presente ariba invitacion personal di cual un lista completo di nomber y tel ta den poder di FMTB. E presentenan tabata familiar of conoci di e partisipantenan.
Pa e entregamento di e certificado maestro Vio Wester a invita 5 musico,cualnan tabata, 2 trompet , 1 gitara, 1 bajo y 1 piano pa companja e alumnonan. Un total di 5 cancion a worde toka na unda e musiconan tabata te patras di e podium y 4 rij di conga padilanti un tambor , un timbal y un maraca . Tur cu nan mondkapje bisti y ariba distancia di otro. Vio Wester mes tabata dirigi e grupo para abow y no ariba stage. E alumnonan cada un a hanja opportunidad pa toka 1 of 2 cancion. Tambe Mighty Reds y Mighty Cisco a canta cada un nan calypso conoci pa duna e alumnonan mas animo pa keda train y toka nan instrumento favorito.
Un total di 11 partisipante a ricibi nan certificado for di man di Minister Xiomara Maduro cu a worde invita door di FMTB pa hasi esaki. Un danki pa nos Minister di cultura pa a accepta nos invitacion.
E lesnan aki a worde duna den cuadro di e programa Hunto Grandi Grandi Hunto di FMTB y a worde financia door di CEDE Aruba.
Tambe nos kier a gradisi Tipico Palisia cu a duna un presentacion sublime despues cu un anja nan no a subi ariba e tarima. Tipico Palisia ta consisti di 6 entregante y 2 di nan tambe tabata partisipante di e curso di maestro Vio Wester y pesei a hanja e invitacion pa toca 4 cantica.
Caha di Orgel di Oslin Trimon tambe a deleita e publico cu algun cancion cu a cai masha na agrado di e pulico presente.
Pa e sonido no tabata mucho duro nos kier a gradisi e soundman cu a pone solamente dos speaker na un banda di stage y tur hende por a conbersa trankil.
E cursonan aki ta sigi aki 2 siman cu e segundo grupo y nan lo tuma lugar na Lago Heights Club cu ta colabora cu FMTB dunando nan club gratis pa e lesnan aki.
Si bo tin 60 plus anja bo tambe por partisipa y por jama FMTB na tel 5868651. Tanto damas y caballeros por partisipa y e ta gratis.
Harold de Miranda (FMTB)